Shillong, Jylliew 16: U Superintendent ki pulit ka West Garo Hill District u la iathuh ba mar ia ioh jingtip ba ki don lai ngut ki briew kiba shong ha ka bike, kiba na Assam kiba kit drok kila rung sha Meghalaya halor kane ka jingtip, ki pulit ka West Garo hills district kila pynlong iaka jingap ktem ha Tikrikilla.
Ki pulit ba la ap ktem ha katei ka jaka kila ioh ban bat iaka bike kiba shong lai ngut ki briew ha ka jingkhynra kila ioh ban kurup san tylli ki synduk sabon ba la suba ba dei u drok heroine bad ka jingkhia ka long 53 gram. La ioh ban bat ar tylli ki bike bad la ioh ban kurup ruh lai tylli ki mobile phone.
Ki pulit kila iathuh ba kine kiba shah kem kila tip kyrteng kum u Sahidul Hussain 35 snem ka rta, u Saddam Hussain 35 snem ka rta bad u Rashidul Hoque 23 snem, kine baroh lai ngut ki dei na Goalpara district ka jylla Assam bad iaka jingmudui pyrshah iaki, la registar iaka ejahar hapoh Tikrikilla police station.
Na ka liang jong ki pulit kila suba jur ba kine ki dei ki nongkhaii drok kiba don da ka kynhun kiba trei ia kane ka kam na kawei ka jylla sha kawei ka jylla, na ka liang ki pulit ki kyntu iaki paidbah ba kin ai ka jingkyrshan haba don kano kano ka jingsuba, pyntip sha ki bor ka ain ban leh ia kiba donkam.
