Shillong, Jylliew 20: Ka sorkar pdeng kala buh ia ka thong ba baroh ki briew na Northeast la ha nongkyndong ne ha sor kin ioh ia ka iing ban sah da kaba pyntreikam ia ki ar tylli ki skhim ka PMAY-Gramin ha ki nongkyndong bad ia ka PMAY-Urban ha ki jaka sor.
Ia ka skhim Pradhan Mantri Awas Yojana (Gramin) na ka bynta ki nongkyndong la plie paidbah ha u snem 2016 bad ia ki jylla ka Northeast ki kham ioh bun ka bhah bad haduh u bnai Lber 2026 la lah ban pyndep ia ka jingshna ia ki iing baroh ki long 28 lak ha kane ka skhim ha Northeast baroh kawei.
Kiba ioh ia kane ka skhim la ai lang ha ki jaka leit Shabar, ka um bad ia ka Gas LPG na ka skhim Ujjwala Yojana bad ka light na ka skhim Saubhagya bad kumba ka long 100% la pynioh light ha Northeast bad ka light kala poi sha baroh ki long iing.
Ha ki jaka sor la pyntrei kam ia ka skhim shna iing kaba la tip kum ka PMAY-Urban bad ia kane ka skhim la lang na ka bynta 3.24 tylli ki long iing kiba duk bad kiba duna ka jingioh kane ka long ban iarap ba kin shna ia ka iing ne ban pynbha ia ka iing kaba don.
Ia kane ka skhim la shna iing ha ki jaka sor ia ka PMAY-Urban 2.0, la sdang ha u snem 2024, kane ka long na ka bynta ki iing jong kiba duka kiba don ha ki jak asor ha kane ka thain shatei lam mihngi ka Ri India.
Haba phai sha ka jylla Meghalaya, na ka PMAY-Gramin ha duh ka 03.02.2026 ka sorkar pdeng kala mang ban shna 1,88,034 tylli ki tnum iing, na kine kiba la dep ban shna ki long 1,55,930, ha ki jaka sor haduh ka 02.02.2026 la mang 7,072 tylli ki iing kiba la dep shna ki long 2,841 tylli.
