Shillong, Jylliew 19: Mynta ka sngi ka seng Union of Cook Cum Helpers (UCCH) PM Poshan Meghalaya kala phah ia ka jingthoh sha ka sorkar pdeng ban pynkynmaw ia ka jingdawa jong ki ba pynkiew ia ka bai trei shet ja sngi ha ki skul ban pynkiew ia ka bai bylla na ka T.900/- sha ka T.9000/- tyngka shibnai ka bhah jong ka sorkar pdeng.
Haba kren ha ki lat pathai khubor ha Shillong Press Club ka Kong Gina Nengnong kala ong ba ka jingsiew jong ka sorkar pdeng ia kane ka bhah kaba T.900/- tyngka kala neh mynta la jan arphew snem, na ka jingkiew dor kat ka jingiaid ka por kila dawa ba ka sorkar pdeng kan pynkiew noh ia ka bai trei sha ka T.9000/- tyngka shibnai.
Ha ka juh ka por ka la ong ba lada ka sorkar pdeng kam lah ban pynkiew kan bha ba ka dei ka pynduh noh ia kane ka skhim PM Poshan ha Meghalaya, namar kala eh ia ki ban trei T.900/- tyngka shibnai nalor ba ki ioh tang shiphew bnai ha ka shisnem.
Ka seng ka ai khublei ia u myntri rangbah ka jylla u u bala pyniew ia ka bhah jong ka sorkar jylla na ka T.100/- tyngka sha ka T.1100/- tyngka ka sngew ka da pynaw ia ka jingsngewnguh ia u myntri rangbah ka jylla.
Na ka liang ka seng kala thoh sha ka sorkar pdeng naduh u snem 2022 bad haduh mynta ka sorkar pdeng ka sngap jar jar bad ha kane ka jingwan ka myntri pla pisa sha Meghalaya mynta ka sngi ka seng ka pynsngew sha ka myntri ia kane ka jingdawa.
