Latumthli. Julliew 21: Na ka daw jong ka jingjur jong u slap baroh shimiet ka miet sngi Saitjain bad mynta ka step sngi u blei kala wan rah ia ka jingtwa ka surok Shillong Dawki ha Latumthlik kaba dei sharum ka shnong Laitlyngkot.
Ki lat khubor na ka National Highway Infrastructure Development Corporation Limited (NHIDCL) ki ong ba lada ka suin bneng ka ailat kinlah ban pynbha ia kane ka surok ha pdeng lai bad saw sngi, hynrei lada ka jur ka slap kin nym lah ban ong dawa kumwei pat.
Ka jingtwa kane ka surok ka long ba kala dkut beit sbak ha kaba hap ban pyndap khyndew ia kane ka jaka batwa kaba la jylliew kumba 40 matters ei ei bad na ka liang jong ka NHIDCL kala phah ia ki briew jong ka kompnei ba kin trei noh mardor ha kaba kila sdang ia ka jingpyndap khyndew ha katei ka jaka.
Ka jingtwa khyndew ha kane ka surok Shillong Dawki ki briew jong ka NHIDCL kila iathuh ba ki long ha ki saw tylli ki jaka naduh Latumthli sha duh jan Langkyrdem bad ka jingtrei ban pynbha kala iaid sha khmat naduh mynstep mynta ka sngi.
U Deputy Commissioner ka East Khasi Hills District u la pyntip paidbah la khang ia ki kali ban iaid ha kane ka surok la bthah ia ki paidbah ba kin iaid na Sohra sha Sohbor Nongjri ban poi sha Pynursla bad kum juh na Jowai sha Amlarem bad poi sha Dawki bad ban poi sha Pynursla.
