Shillong, Jylliew 25: U Myntri rangbah ka jylla u Conrad K. Sangma u la ong ba kane ka jaka peitngor kaba don ha ka jylla Telengkana dei ka jaka kaba tbit tam ha ka Ri, namar hangne ym dei tangba ki pyndonkam ia ki kor ki bor kaba ki pyndonkam, hynrei kaba kongsan ka dei ka rukom pyntrei kam kaba kila pynlong ban ia treilang.
Kane ka wanrah ia ka jingtrei kam kaba bha da kaba pyndon kam ia ki kor ki bor kiba katkum kane ka juk bad ka jingiatreilang ki tnad sorkar bapher bapher bad kaei kaba ki ai ka jingshakri sha ki paidbah kala dang bha shuh shuh.
Kane ka dei ka nuksa kaba bha kiba ki jylla bapher bapher ki hap ban shim ia kane ka nuksa dei na kane ka daw ba u myntri rangbah ka jylla u la ong ba u la leit hi da lade ban leit ban peit ia ka rukom pyntrei kam bad ban pynbud lang ia kaei kaba kila ioh na ka jylla Telengkana hapoh ka jylla Meghalaya.
U myntri rangbah la ong ba ha Meghalaya la sdang ban pyntrei kam, hynrei ka jingeh kaba ki ia kynduh ka long mano ban peit ia kane, kane ka dei kaba ki dang ia peit bniah namar kine ki dei ki kor ki bor kiba hap ban don ia ki briew kiba tbit ban pyniaid.
