Shillong, Jylliew 27: Ban pynlong ia ka sor Shillong kaba shngian ki pulit jong ka nongbah Shillong kila pynlong ia ka jingtalasi ia ki kali ha ka por meit ban lap ia kiba niah kali haba kila buaid.
Ia kane ka jingatalasi la leh da ki pulit pyniaid kali bad ki pulit ka kynhun kaba kyrpang da ka jingkyrshan lang ka dorbar shnong Laitumkhrah, ia kane ka jingkhynra la leh ha ka miet 26/6/2026 ha ki bynta jong ka Laitumkhrah.
Kane ka jingtalasi ka dei kyrpang ia ki nongniah kali kiba la dih buaid, kiba pynkylla ia ki kali na kaba la shna da ki kompnei bad kiwei kiwei ki jingpynkhein ia ki kyndon ain haba ia dei bad ka jingniah kali.
Ha ka jingkhynra la ioh ban bat 80 tylli ki kali kiba la pynkhein ia ki kyndon bad kila ioh ban dain kuna haduh T. 81,500/- ia ki draibar kiba buaid la bat ia ki bad la shah ba kin leit ynda la don kiba wan shaw ba kin poi suk sha iing.
Ia kane ka jingtalasi la juh leh ha kaba kut jong ka Taiew bad kane ka long ban pynioh ia ka Shillong kaba shngian bad ban pynkohnguh ia ki briew ba kin but ia ki rule niah kali kiba la don bad ban pynlait na ki jingiamynsaw.
