Shillong, Jylliew 30: Namar ka jimgleh bymsuid niew jogn ka sorkar jylla ka seng Meghalaya 108 Ambulance Union (MEMRIWU) mynta ka sngi kila sdang ia ka jingiakhih kaba jar jar da kaba seng lama iong bad wah ruh ha ki kali Ambulance 108.
U president ka seng u bah Roykupar Kharraswai la ong ba na ka liang jong ka seng kala buh por ba ka sorkar ka ai ia ki jingdawa jong ki ne ba kan khot sha ka jingiakren shuwa ka 29/6/2026 ha kaba ia dei bad ki jingdawa ka seng hynrei na ka liang jong ka sorkar kala sngap bad kumta mynta ka sngi kila sdang ia ka jingiakhih kaba jai jai da kaba deng lama iong bad wah ruh ha ki kali Ambulance.
Haba ia dei bad kane ka seng ka pynpaw ia ka jingsngewsih ban ioh ia ka jingeh dohnud jong ka sorkar ba ka khlem juhbab ia kaei kaba ka seng kala dep ban buh ha khmat ia sorkar kane ka kren shai ka jingbym don ka sorkar ia ka jingkit khlieh ban pynbha ia kane ka jingshakri ia ki paidbah lyngba ka 108.
Ka 108 kala ai jingshakri sha ki paidbah ha kine ki 18 snem naduh bala sdang ia ka hynrei ki kali ki neh ki juh katba ka jingdon ki paidbah nongshnong shnong kila dang kiew kumta ka seng ka daw aba dei ban pynbun shuh ia ki kali Ambulance 108.
Ka sorkar ka sorkar ka dei ban shimti hinoh sha lade ban pyniaid ia ki kali Ambulance 108 ym ban aiti sah sha ki kompeni shimet ba kin pyniaid ia kane ka jingshakri kaba ki ai sha ki paidbah bad ka seng ka dawa ban pynduh noh ia ka jingaiti sha ki riew shimet.
Ka seng ka dawa ruh ba ka sorkar ka dei ban shimti noh ia ki nongtrei jong ka 108 namar kila shakri ia kane ka kam mynta la bun bun snem bad kum ka seng ka kwah ba ka sorkar kan ithuhnoh ia ki nongtrei 108 kum ki nongtrei sorkar, kane ka jingiakhih dei ka jingsdang la ong u president ka seng ha ka kyrwoh mynta ka sngi.
