Shillong, Naitung 04: U bah Bantylli Nari u rangbah shnong ka Nongrim Hills u la ong ba la ai iaka jingthoh bym don jingujor kaba la tip kum ka No Objection Certificate(NOC) da kaba pynshong nongrim iaka jingkren jong u Chief Executive Member ka Khasi Hills Autonomous District Council ba ia kano kano ka kam ba iatreilang u Khasi bad u bym dei Khasi ki ai iaka trading license.
Haba kren ha ki lad pathai khubor, ha iing Dorbar shnong ka shnong Nongrim Hills, u bah Bantylli ha ka jingiadon lang ki dkhot jong ka dorbar shnong la iathuh ba ka dorbar shnong kam shym la ai NOC sha ka Blinkit kompeni hynrei, ka ai ha ka kong Banita Kurbah na Rynjah hynrei katto katne kala wan pynphai iaka NOC namar ka jaka kam long kaba biang.
Hadien kata, ka shnong kala ai iaka NOC sha ka MSSO kaba u Director jong kane u dei u bah Meban Nongsiej, ka jingai NOC ka dei halor ka jingkren jong u CEM lada iatreilang u Khasi bad u bym dei Khasi ki ai iaka trading license, da kaba ai nuksa iaka jaka pynieng kali ha Bawri Petrol pump ha Dhankheti, kaba iatreilang u Khasi bad u bym dei Khasi.
U rangbah shnong ka Nongrim Hills u la ong ba kum ka dorbar shnong ki don ruh ka jingpyrkhat na ka bynta ki rangli ki juki kiba trei bylla sngi kaba ka jingioh ka duna kan iarap shibun kumba la kren u CEM ba kan don ka jinpyn duna dor da 20 persen iaki mar ki mata lada ka iing ka pynlut T. 1000 ha ka shi taiew ban thied jingthied kila ioh ban kunai da T. 200 bad kane kan long ka jingmyntoi iaka iing ka sem.
U bah Bantylli u la kren shai ha kaba iadei bad ka jingkiew dor ki mar ki mata, ha kaba ka sorkar lane ka District Council kim shym la lah ban leh eiei ban teh lakam ia ka jingkiew dor halor ka jingkren jong u CEM ba kan iada ia kita ki 4000 tylli ki dukan ka jingkylli kaba u buh ka long hato kita ki 4000 tylli ki don shisha ne em bad ki jongno, kum ka dorbar shnong haba ki don ha ka shuki ba ki shong ki pyrkhat ruh iaki duk ki rangli.
