Shillong, Naitung 05: Ki pulit jong ka nongbah Shillong kila ioh ia ka jingujor ba ki briew kiba ym lah ban tip kila prong tuh ha ka iing mane jong ka balang Presbyterian Mawtawar kaba don ha Umjalynshir ha East Khasi Hills District.
Katkum ka jingujor kaba ki pulit kila ioh, ki tiar kiba la shah tuh ha ki riew sniew kiba ym lah ban tip ki long ka Almirah, Bible, Khiew syntiew, kot jingrwai bad kiwei kiwei ki tiar kiba la shah rong ha ki nongtuh kiba la prong ha katei ka iing mane.
U Pastor T.J Moksha jong ka balang Christ Tabernacle Church ha Jaiaw Lumbatemon, Shillong u la u jor sha ki pulit ba ha ka miet 30/6/2026 ki briew kiba ym lah ban tip kila prong sha iing mane bad rah ia ka jingtem kaba shong dor shilak tyngka.
Ha kawei pat ka jingjia u Lakitlang Kharbuli bad u bah Teiboklang Pyngrope, kila phah lang ia ka jingujor sha ki pulit ba ki briew kiba ym lah ban tip kila tuh ar tylli ki kali ar shaka na kala sah jong ki ha Diengpasoh ha ka shnong Mawpdang Dongmawlieh.
