Shillong, Naitung 05: Ki nongrep kubi ha Khasi Hills kila pynpaw ia ka jingsngewsih kaba jur na ka daw jong ka jinghiar dor palat u kubi ha kaba ka dor ka long tang ha pdeng lai bad san tyngka na jaka rep.
Haba u SP News Agency u la ioh ban ia kren bad kato katne ngut kiba rep kubi ha Thain Smit bad ha ki Thain Laitkroh kila iathuh ba mynta la jan shibnai ei ei ka dor jong u jhur kubi u la hiar palat bad ha jaka rep kila hap ban die hapdeng lai bad san tyngka shikilo.
Na ka liang jong ki nongrep kila pynpaw ia ka jingsngewsih ba ka iew kala hiar palat bad lada ka long kumne mynta la jan baroh shibnai kim lah ban ruh ban kyrda namar ka jaka rep ki hap ban shushim wai bad ka jinglut ha kaba thied symbai bad dawai.
Haba ia dei bad ka jinghiar dor kila pynsngew ba kim tip shuh hynrei namar ba kila dep ban rep bad mynta kala dei ka por ot ia u kubi ki hap ban ot wat la ka dor kala hiar palat, namar ba kim don da kawei pat ka jingtrei ki iai bteng ia ka rep wat la ki duhnong.
