Shillong, Naitung 07: Ka Meghalaya Swimming Association kala sngewbha ban pyllait iaka resol jong ka State Aquatic Championship (Swimming) ba 19 kaba la long ha ka 3 – 4 tarik Naitung 2026 ha Crinoline Swimming Pool, Shillong.
La iashim bynta haduh 133 ngut ki nongia kop jngi na kylleng ka jylla, kynthup ki nongmihkhmat na East Jaintia Hills, East Khasi Hills, Eastern West Khasi Hills, South-west Khasi Hills,
West Khasi Hills, East Garo Hills bad West Garo Hills Distrik ha kaba kila nongiakop jngi kila pyndep iaki bynta jong ka sub junior (khynnah kynthei bad shynrang), ha ka kynhun junior (khynnah kynthei bad shynrang), ha ka bynta jong ka open (shynrang bad kynthei), ha ka Group III, dei ban long kiba la don 11-12 snem ka rta bad ha ka Group II, 13 – 14 snem.
Katba ha ka Group I(B) ka snem ka dei 15 – 16 bad ha ka Group I(A), 17 – 18 snem. La pynlong haduh 104 tylli ki tamasa ha kane ka jingiakop jngi.
Katba ka East Khasi Hills District ka dei ka nongjop jong kane ka jingiakop jngi bad ka South West Khasi Hills District ka long ka Runner Up.
U Meiaipynsan Lyngdoh Tron u la ioh rah iaka nam kum u Best Swimmer napdeng ka Men Category bad ka Verem Gedaliah Nongsiej kum ka Best Swimmer napdeng ki kynthei.
U Keanan Chugim Nongrum Momin u la iohrah iaka nam Most Promising Swimmer napdeng ki khynnah shynrang bad ka Anisa Rakshit Phanbuh napdeng ki kynthei.
Katba u Meiaipynsan Lyngdoh Tron u la shah jied na ka bynta ki san tylli ki tamasa ha ka National Championship.
