Shillong, 11 Naitung: U Myntri Rangbah ka jylla Meghalaya, u Conrad K. Sangma mynta ka sngi u la pynlong da ka jingialang bad baroh ki Deputy Commissioner lyngba ka video ba iakren bad ki na ka bynta ban batai iaka jingjia ba la jia na ka jingbteng u lap bah ba jur ha kylleng ka jylla bad u la hukum iaki bor ba dei peit ba kin shimkhia ia kine ki jingjia.
Kum kine ki jingjia, la ju jia naduh ka taiew ba nyngkong jong u Naitung ha ki jaka ha kylleng jong kane ka distrik, khamtam ha Ri Garo Hills bad katto katne ki jaka jong ka Ri Lum Khasi, ha kaba la shah ktah haduh 32 tylli ki shnong.
Ka jingjulor kala ktah jur ha kaba la don ka jingtwa khyndew, jingsyntuid ki surok, jingshlei um ha ki shnong ki thaw ruh kumjuh, hynrei ym shym la ioh khubor ba don ba iap tad haduh mynta. Ka tnad ba peitngor iaka jinglong ka suinbneng ka India Meteorological Department kala pyni da ka jingmaham iaka jylla bad jinghap jong u slap kaban bteng, lem bad ka jinghap u slap bad jur ha ki katto katne ki jaka haduh ka 15 tarik Naitung.
U Myntri Rangbah ka jylla Meghalaya u la la hukum iaki bor ba dei peit ba kin ai jingmaham na ka por sha ka por bad u la ong ba dei ban don ka jingiatreilang hapdeng ki bor ba dei peit, ka kynhun pyntip bad ki tnad bapher bapher, khnang ba lada don kano kano ka jingjia ba ma yn sa ai jingiarap mar mar bad la pynbiang da ki pulit ban ai jingiarap.
U Conrad u la bthah ban pynbeit kloi iaki surok kiba sniew na ka jingslap. U la khmih ruh iaka jaka kaba kylla khongpong hajan Mineng Bailey Bridge, Gasuapara, South Garo Hills, ha kaba la pynduna ka leit ka wan bad la pyndonkam da ka lynti kaba najan ban iaid ki paidbah bad u la maham ba dei ban pyndep bad pynbha noh mardor.
U la bthah ruh ba ka jingiarap kan poi sha kiba shah ktah khlem pynslem, ba dei ban pynneh iaki marbam bad ki jingshakri kiba donkam, bad ki district ki dei ban phikir bha iaka jinglong jingman. Ki paidbah ki dei ban husiar bad ki lynti kiba lah ban shah tyllun shyiap, ki nala kiba dap um, bad ban sangeh shuwa ka leit ka wan bym donkam eh ha ki surok lum.
Dei ban husiar ruh na ka jingtbeh ka lei lieh and kyrhuh pyrthat. Ka kam pynbha bad iarap ka dang iaid shakhmat, bad yn phah iaki khubor kiba nang bud katkum ka por.
