Shillong, Naitung 14: U kpa jong u bah Mewari O Dkhar ha ka jingdon lang ki dkhot ka seng ki nongniah trok u la kyrpad iala u jong u khun, “Khun wan noh lada phi don hangno hangno ym don mutkotduma ei ei pyrshah ia phi da phi don hangno hangno wan noh”.
U bah Wanshuwa Nongtdu ha ka jingiadon lang ki dkhot ka seng ki nongniah trok haba kren ha Shillong Press Club haba ia dei bad ka jingjah u bah Mewari la iathuh ba ka jingia jingtyngkhuh kali ka long ha ka 3/7/2026 sngi Thodieng ha Sonapur ha Assam kaba hap hapoh jong ka Khatri Police Station, u ba tyngkhuh kali dei u bah Mewari O Dkhar bad ki pulit kila pynkit sha ka jaka sumar ba jan tam ha Sonapur CHC.
Ha kane ka jaka sumar u la ioh ia ka jingsumar ban ioh ia ka jingiada bad namar kane ka jaka sumar kam biang ki lat jingsumar na Sunapur CHC kala pynkit noh sha Guwahati Medical College da ka Ambulance 108, ha dien bala register la sumar ia u hynrei ha dien katta u la mih na katei ka hospital.
Kane ka jingjia kala jia ha ka sngi Thohdieng kiba ha iing kila pyntip ha ka sngi Saitjain bad kila leit wat ha ka sngi u Blei hynrei kim lap, ha dien katta kiba ha iing kila leit ia kynduh ia u Additional Superintedent ki pulit ka Ri Bhoi District bad la phah ia ki pulit ban leit wat.
Haba ki la leit wat ryngkat ki pulit ka jylla Meghalaya kila leit sha GMC bad na ki dur khih kiba la ioh na ka CCTV jong ka Guwahati Medical College la iohi ba u la mih na katei ka jaka ai jingsumar, katta ka dei ka jingeh bad mynta ym tip shuh sha na u don na ka liang ka seng ka kyntu lada don haei haei ban un wan noh.
