Shillong, Naitung 13: Ka NEC, kaba hap hapoh ka Tnad Development of North Eastern Region (MDoNER), ha ryngkat ka jingiatreilang bad ka NITI Aayog, ka la pynlong ia ka Stakeholder Consultation on the Hill City Regions Planning Initiative (HCRPI) ha ka 13 tarik Naitung, 2026 ha Auditorium jong ka NEC Secretariat, Shillong.
Ka jingiamir jingmut ka pyni ia u mawmer ba kongsan ban pynbiang ia ka rukom pynkhreh kam kaba bniah, kaba lah ban ialeh pyrshah ia ka jinglong ka suinbneng bad kaba iadei bad ka jaka na ka bynta ka jingkyntiew ia ki jaka sor kaba iaineh ha kylleng ka thain Himalaya jong ka India (IHR).
Ka thain Himalaya jong ka ri India ka mad ia ka jingkylla sor kaba stet hapdeng ki jinglong jingman kiba bun ki jingma, ki jaka kiba jynjar, ki jingma kiba nang kiew na ka jinglong ka suinbneng bad ki jinglong ba kyrpang jong ka imlang sahlang bad ka kolshor.
Ki rukom pynkhreh ia ki jaka sor ba la rim, kiba la saindur nyngkong eh na ka bynta ki jaka madan, bunsien ki duna ha kaba pynbeit ia ki jingeh jong ki jaka shong jaka sah ha ki thain rilum. Da kaba ithuh ia kine ki jingeh, ka NITI Aayog ka la sdang ia ka Hill City Regions Planning Initiative (HCRPI) bad ka la thaw ia ka Executive Committee on Urban Development in the Indian Himalayan Region ha ka jingiatreilang bad ka North Eastern Council, da kaba wanrah lang ia ki riew shemphang ha ki kam, ki nongtreikam bad ki nongthaw polisi ban wanrah ia ka rukom treikam ba iadei na ka bynta ki jaka sor ha ki thain rilum.
Ka rukom treikam ba la tyrwa ka thmu ban ai jingialam lynti halor ka jingthmu jong ki thain, ka jingthew ia ka jong ka mariang ban iaineh, ka jinglah ban ialeh pyrshah ia ka jingkylla ka suinbneng, ki jingdon jingem kiba lah ban iaineh, ka jingkiew ka ioh ka kot, ka jingsynshar, ki lad bei pisa bad ki rukom pyntreikam kiba iadei bad ki jinglong ba kyrpang jong ki thain rilum.
La pynlong ia ka jingiamur jingmut bad kito kiba don bynta ha kane ka kam ban ioh ia ki jingai jingmut kiba kordor na ki Jylla bad ki Union Territory jong ka thain Himalaya jong ka India na ka bynta ban pynkhreh ia ka rukom treikam. Ki jingiakren ki la pynleit jingmut ha ki lad bad ki jingeh jong ka jingpynkylla sor ha ki thain rilum, ka jingithuh ia ki lad jingiarap ba kongsan, ka jingjied ia ki thain ba lah ban long ki jingpyrshang bad ka jingthaw ia ka jingpynkhreh kam ba iasam lang na ka bynta ki jaka sor ha ki thain rilum kiba lah ban iaineh, kiba skhem bad kiba khlain ha ka ioh ka ioh.
La sdang ia ka prokram da ka jingkren pdiang sngewbha na ka Anna Roy, Programme Director (Managing Urbanization), NITI Aayog, bud sa ka jingkren ba kyrpang na u Satinder Kumar Bhalla, Secretary, North Eastern Council.
Ha ki technical session la don ki jingpynshai na ki riewshemphang kiba pawkhmat ba kynthup ia ki bynta ba kongsan jong ka jingpynkhreh ia ki jaka sor kiba iaineh ha ki thain rilum. Ka Anna Roy ka la batai ia ka jinglong jingman bad ki jingthmu jong kane ka sienjam, katba u Jagan Shah, Urban Expert, u la pyni ia ki rukom treikam ba bha tam ha ka ri bad kylleng ka pyrthei ha ka jingpynkhreh ia ki jaka sor ha ki thain rilum.
U Tikender Singh, Deputy Mayor barim, u la ïamir jingmut ruh halor ka jingsynshar, ka polisi, ka jingpynkhreh ïa ka jaka bad ka ïoh ka kot jong ki thain Himalaya. U Prof. Arup Sarma, IIT, Guwahati, u la ai jingkren halor ka jingthew ia ka bor jong ki nongbah ha ki thain rilum, bad u Snehit Prakash, BORDA Asia, u la iakren halor ka jingai jingshakri ha jaka sor bad ki jingduna ha ki jingdon jingem ha ka thain Himalaya jong ka India.
Hadien ki technical session, ki nongmihkhmat na ki Jylla ba ïashim bynta, ki Union Territory. Ki tnad Sorkar Pdeng, ki jaka pule bad ki kynhun jong ki riewshemphang ki la ai ïa ki jingai jingmut jong ki na ka bynta ban pynkhlain ïa ka rukom treikam ba la tyrwa bad bud sa ki jingïakren iamir jingmut bad ki jingïalang kylli jingkylli bad jubab ban pynshlur ïa ka jingïasam ia ki jingtip bad jingiatreilang bad kito kiba don bynta ha ka kam hadien ka jingbam ja sngi.
La khmih lynti ba ka jingïamir jingmut kan wanrah ïa ki jingai jingmut ba kordor ha kaba iadei bad ki polisi bad kan kyntiew ïa ka jingïatreilang kaba kham khraw hapdeng ki sorkar, ki riew shemphang bad ki jaka treikam na ka bynta ban kyntiew ïa ka jingpynroi sor kaba lah ban pynneh pynsah ïa ka mariang, kaba lah ban ïakhun pyrshah ïa ka jingkylla ka suiñbneng bad kaba kynthup ïa ka ïoh ka kot ha kylleng ka thaiñ Himalaya jong ka ri India.
La pynkut ia ka prokram da ka jingialang “Way Forward ” kaba la batai ia ki sienjam kiba hadien na ka bynta ban pyndep ia ka Hill City Regions Planning Framework bad ban ithuh ia ki kam ba iatreilang ha ki por ban wan na ka bynta ban pyntreikam ia ka.
Ka North Eastern Council ka dang iai bteng ban kyrshan ia ki sienjam pynroi kiba thymmai bad kiba iaineh kiba kyntiew ia ka jingroi kaba ryntih ha ka thain katba ki dang pynneh pynsah ia ka mariang kaba kynduh bun ki jingma, ki jingdon jingem ba riewspah bad ka kolshor kaba kyrpang jong ka thain shatei lammihngi bad ka thain Himalaya kaba iar jong ka India.
