Shillong, Naitung 25: Kane ka dei ka mukotduma kaba la registar ha Khliehriat Women Police Station, kaba don iaka Case No. 48(12)2020. Iaki kyndon ain, la dep registar iaka mukotduma hapoh ka kyndon ain 376(2)(f) IPC kaba iadei bad ka jingshah bat bor bad ka Sec. 5(n)/6 ka POCSO Act, 2012, kaba iadei bad ka jingleh beain iaki khynnah kynthei ba hapoh ka rta).
Uba shah kynnoh dei u briew uba donkti ha kane ka kam u dei uba kyrteng u bah Jimi Bareh. La kem ia u bad la tohkit da ka kong O. Tyngkan ha kaba kala dep ban thoh bad phah iaka Charge-Sheet (No. 38/2021) ha ka 18 tarik Naiwieng, 2021.
Ka rai ka Kashari hadien ba la dep ka jingbishar bniah ka long ba ka kong B. Khriam, Special Judge (POCSO), East Jaintia Hills District, Khliehriat, kala shem ba u Bah Jimi Bareh u donkti ha kane ka kam.
Ka jingpyn shitom na ka liang ka iing Kashari kala pynrem bad pynngat ia u hapoh ka kyndon ain 376(2)(f) IPC bad Sec. 5(f)(ii)/5(n)/6 POCSO Act, 2012. La rai ban set phatok ia u da ka jingset kaba pyrkhing kaba shiphew snem ha kaba la pynjari sha ka 22 snem bad ryngkat ka jingshah dain kuna kaba dei T. 50,000, katkum ba la pynmih ha ka order kaba dei ha 21 tarik, Naitung, 2026.
