Shillong, 24, Naitung: Ka sorkar India ka pynskhem biang bad la pynbiang iaki lad ki lynti ba biang ban pyntikna ba ka don ka jingpynbiang kaba biang por bad kaba khraw iaki sboh tynrai hapoh ka ri ha man la ki aiom rep tynrai. Lyngba ka jingkhmih bniah kaba iai bteng, bad ka jingiatrei ryngkat bad ka sorkar jylla, ka jingpynbiang kaba biang iaki sboh tynrai bakhraw kiba kynthup iaka Urea, DAP, MOP bad NPKS kala iaineh hapoh ki jylla baroh ha ka aiom Kharif 2026 kaba dang iaid mynta.
Ban pyntikna iaka jingioh sboh tynrai khlem jingthut, ka Department of Agriculture & Farmers Welfare (DA&FW), ryngkat ka jingiasylla bad ki sorkar jylla, ka khmih iaka jingdonkam sboh tynrai man la ka jylla bad man la u bnai shuwa man la ka aiom rep tynrai. Ka tnad ka jingpynioh iaka sboh tynrai ka bhah iaki jingpynbiang iaki sboh tynrai lyngba ki mang bnai bad ka iai khmih bniah iaka jingdon barabor.
Ka jingpynkhih ne pynpoi ia iwei pa iwei i jait sboh kiba ioh jingiarap pisa na ka sorkar, ka long kaba la buddien ne peit ngor ryngkat lyngba ka ‘Integrated Fertilizer Management System’ (iFMS). Hadien kata, ki jingialang peit bniah kiba long man ka taiew bad ki ophisar ka tnat rep ka sorkar jylla ki iarap ban pynbeit iaki jingeh kiba mih ha ka rukom pynpoi iaki. Katba ka jingpynsam pat ia kine ki sboh hapoh ki Jylla ka long kaba la pyniaid bad khmih da ki sorkar jylla kiba dei peit.
Kane ka dei ka data ba iadei bad ka jingdonkam, jingioh, bad ka jingpyniad iew iaki sboh kum ka Urea bad ka DAP ha ki thain bapher bapher jong ka ri India, ha ka por rep Kharif 2026, naduh ka 1 tarik, Iaiong haduh 21 tarik, Naitung, 2026.
Ki jingkhein baroh ki long ha ki lak metric ton (LMT) bad ka jingdonkam sboh kumba la thmu, ki don ruh ki sboh bad ka jingbuh iaki dor jong ki sboh ha kaba iaka sboh, la pyniaid iew da ka rukom Direct Benefit Transfer bad ka tarik ban khang ia kane ka sboh ba dang sah ne tam haduh ka 21 tarik, Naitung.
Katba ki jingkhein ha ki jylla Andaman and Nicobar Islands, kim don jingdonkam ne jingpyniaid iew (0.00 LMT). Dang sah kaba rkhiang ha ka 0.01 LMT na ka bynta ka Urea ha kaba ka Andhra Pradesh, ka Urea ka jingdonkam ka long 3.38 LMT, ioh 6.45 LMT, die 2.56 LMT, bad dang sah 3.88 LMT, katba ka DAP ka jingdonkam ka long 0.70 LMT, ioh 1.58 LMT, die 0.76 LMT, bad dang sah 0.82 LMT. Ka Arunachal Pradesh ka jingdonkam ka long kaba rit bha, ha kaba ka Urea ka donkam tang 0.02 LMT bad die 0.01 LMT. Kim don jingdonkam ia ka DAP.
Ha Assam, ka Urea ka jingdonkam ka long 1.28 LMT, ioh 2.13 LMT, die 1.60 LMT, bad dang sah 0.54 LMT. Katba ka DAP ka jingdonkam ka long 0.19 LMT, ioh 0.41 LMT, die 0.24 LMT, bad dang sah 0.17 LMT. Katba ka urea ha Meghalaya ka jingdonkam ka long 0.02 LMT bad ym shym la buh iaka dor, ka Manipur ka urea ka donkam 0.01 bad ka dor ka long 0. 11 katba ha ka DAP ka jingdonkam ka long 0.02 ha ka dor 0.01.
Ka Mizoram ha ka urea ka donkam 0.02 bad ym shym la buh iaka dor, katba ha ka DAP, ka jingdonkam ka long 0.01 bad ym shym la don ka dor. Ka Nagaland ka jingdon ka urea ka donkam kumba 0.01 ha ka dor 0.01 bad ha ka DAP ka jingdonkam bad ka dor kam shym la don. Ka Tripura ka jingdon ka urea bad ka dor ka long 0.05 ha ka DAP ka jingdonkam bad ka dor ka long 0.01.
Ka tnat Department of Agriculture & Farmers Welfare (DA&FW) ryngkat ka jingiasyllok bad ki sorkar jylla ka peit bniah iaka jingdonkam eit masi ha shuwa ka por thung por tep. Ka sorkar ka sam bad ka khmih thuh iaka jingleit ka eit masi lyngba ka Integrated Fertilizer Management System (IFMS) bad ka pynlong ka jingialang man ka taiew bad ki ophisar sorkar jylla ban pynbeit iaki jingeh.
Ka sorkar ka thung iaka Nutrient Based Subsidy (NBS) naduh ka 01.04.2010 na ka bynta ki eit masi Phosphatic bad Potassic (P&K). Lyngba kane ka policy, ka dor pynmih (MRP) iaki eit masi P&K ka long kaba laitluid bad ki kompani ki lah ban pynbeit hi katkum ka iew, hynrei ka sorkar ka siew bai rynsan iaki nongpynmih ne nongwallam kiba long kiba bit ha ka por die katkum ka jingdon ki kynja tei ne ki nutrient ban pynlong iaki eit masi kiba bit dor iaki nongrep.
Ban pynlong iaka DAP ka eit masi kaba donkam tam kaba bit dor ha ka shispah tyngka, kaba mut T. 1350 ha ka 50 kilo ka song, ka sorkar ka ai kyrpang T. 3500 shi MT ban tap ia kiwei pat ki bai lut. Ka sorkar ka pynbeit dor iaka subsidy katkum ka jingkylla ka dor ha ka iew pyrthei, ka jingdon ka GST bad ban pwar iaka jingshai dor kaba long 4 persen na ka MRP. Kane ka jingwanrah iaka subsidy ka kynthup iaka DAP bad TSP ban pynthikna ba ka dor kan ym rem palat ha ka por rep.
