Shillong, Naitung 23: Ka ophis thungkam shipai ha Shillong kan pynlong iaka rally thungkam shipai jong ka ‘Army Agniveer’ na ka bynta ki kyrtong ba la jied na baroh ki distrik jong ka Meghalaya ha ka 58 Gorkha Training Centre, Happy Valley, Shillong naduh ka 22 haduh 25 tarik Nailar, 2026.
Ka jingialang pdiang na ka bynta kiba la shah jied ka ban kynthup iaki kyrdan Agniveer General Duty, Technician, bad Tradesmen (kiba pass class 8 bad 10) kan long ha 58 Gorkha Training Centre, Happy Valley, Shillong ha ka por 3:30 AM mynstep. Kiba la shah jied ki dei ban rah syndon ia la ka Admit Card bad kiwei ki kot ki sla kiba shisha.
Ka rally na ka bynta ka kyrdan Agniveer (Clk/SKT) kan long pynban ha ka Army Ground, hajan Panjabari Gate, Narangi Cantonment, Guwahati (Assam) naduh ka 6 haduh 8 Nailur.
La phah ia ki E-mail sha kito kiba la dep jied ban pyntip iaka tarik. Kitei kiba ym pat ioh lane kiba nym lah ban download ia la ka Admit Card, ki lah ban leit sha ka Recruiting Office, Shillong ban pan iaka. Ka nombor telephone ka long 0364-2504177 bad ka e-mail ka long rohqshillong@gmail.com.
