Shillong, Naitung 30: Hadien ka jingleit iakynduh ka Hill Farmers Union ia u Deputy Commissioner ka Ri Bhoi district dang ha kine ki sngi kiba la dep, mynta ka sngi na ka liang ka Office jong ka District Animals Husbandary jong ka District Ri Bhoi ha ka jingpeit jingkhmih jong ka Dr.R Kharbuli kala khot da ka jingialang ia ki nongialam HFU, Kane ka jingialang ka long ban pynshai ia ka jingdawa ka seng.
Haba kren sha ki lat pathai khubor hadien ka jingialang bad ki ophisar ka tnad ri mrad u bah A Kharsyntiew u General Secretary ka Hill Farmers Union napoh ka Sengkmie u la ong ba ka jingwan ka jong ki mynta ka sngi ka dei halor ka jingeh jong ki paidbah nongri sniang ba da ki spah tylli ki sniang ki iap bad kine ki jingiap jong ki sniang ka jia na ka por sha ka por.
Ha kane ka jingalang la ia kren ia ka jingwan poi ki sniang kiba nabar jong ka jylla bad kiba ioh ia ka jingpang sniang kaba la tip kum ka African Swine Fever, na ka liang ka Union kala dawa ruh ban buh noh da ka jaka pynrung kyrteng ban peit pyrman ia ki sniang kiba nabar ka jylla.
Ka seng kala ong ba kim dei tang ki sniang hynrei baroh ki jait jingri lane ki mrad kiba wan poi shapoh ka jylla Meghalaya, namar lada don ka jaka rung kan iarap ia ki paidbah ban tip la ki sniang kiba na shabar ka jylla ki don ne em ka jingpang ki jing shitom ha ka met ka jong ki.
Kaba ka ka seng ka sngewkhia ka dei ba haduh mynta ym pat iohi ia ka jaka pynrung kyrteng ia ki mrad kiba rung shapoh ka jylla Meghalaya kata ka long kaba hap siew 15 hajar ia kawei ka trok bad 4 hajar tyngka ia ka Pickup.
U la ong ba ia kane ka ioh rung beit kala iaid mynta la ar bnai, kane ka jingwan jong ki mynta ka sngi ha kane ka ophis Veterinary ba kin tip ka don ne em kata ka jingkhrong pisa beain hapoh ki surok bad u la ong ruh ba na ka liang ka Union kala don lut ki sakhi satar halor ka jingioh rung beit ki kali bad kane ka pyniap ia ki paibah nong ri sniang.
