Shillong, Naitung 30: Mynta ka sngi 30/Naitung/2026 ka ophis jong u District Disaster Management Authority jong ka Ri Bhoi District kala sam ia ki tiar ba la tip kum ki Emergency Responder Kits sha ki 170 ngut ki Aapda Mitra Volunteer hapoh ka Yuva Aapda Mitra Skhim.
Kane ka jingsam ia ki tiar sha ki 170 ngut ka long hadien ka jingshah hikai pyntbit ka long kumno ban iarap haba wan ka jingshah lynshop ha ki bor ka mariang kum u Jumai, ka jingslei um ka jingtwa khyndew lem bad kiwei kiwei,
Ha kane ka jingsam ia ki Emergency Responder Kits la ia don ryngkat u MLA ka Nongpoh Constituency u bah Mayralborn Syiem, ka Additional Deputy Commissioner ka District kaba dei ruh ka CEO jong ka DDMA ka Kong Balakyntiew Ranee u Deputy Controller ka Civil Defence u bah B.K Swer u District Disaster Management Authority ka District u bah Jo Mawthoh.
Ia kane ka sngi la pynphuh pynphieng ia ka program da ki jingrwai tynrai kaba la ia shim bynta da ka sur Ki Lukai bad kiwei kiwei ki jingialehkai kiba la pynshoh biej ia kiba don lang ha kane ka sngi pynkut ia ka jinghikai ban iada haba wan ka jinglynshop na ka mariang.
