Shillong, Naitung 31: Ki pulit jong ka Nongstoin mynta ka sngi dang sep kila ioh ia ka jingpyntip ba ha ka por shiteng syniang la don u briew bala leit ban thombor ia kawei ka iing ha ka shnong Mawkor Porsohsat ha kaba u runar u la dung pynmynsaw ia u kpa bad rah bor ia ka khun.
Na ka daw jong ka jingmynsaw palat u kpa u la khlad noh bad ia ka khun kynthei kaba la shah rah bor u tei u runar haduh mynta ym pat lah ban tip sha ei ka don bad ki pulit ki dang pynlong ia ka jingthwet ia u tei u runar bala leh ia kane ka kam shynrekhei kaba la pynshong syier ia ki paidbah.
Na ka liang jong ki pulit mar ia ioh ia kane ka jingpyntip bran bran kila leit sha katei ka shnong ban tokit bad ban sngewthuh shai ia ka jingjia u Superintend ki pulit ka West Khasi Hills District la ong ba ka jingthwet ia utei u runar ka dang iaid khmat.
