Shillong, Naitung 30: Mynta ka sngi ki lai tylli ki seng bhalang, ka Khasi Student Union, ka Jaintia Student Union bad ka Jaintia National Council kila buh ha ka WhatsApp group jong ki ia ka jingsiat lyer pynsat khmat ki pulit ha ka ja kaba pynlong ia ka jingsngap paidbah ia ka Shree Cement Private Limited.
Ka seng Jaintia National Council kala kynnoh ba kane ka jingleh ka dei ka dak ka shin ba ka sorkar ka donkti ban kyrshan ia kane ka Shree Cement, da kaba phah siat lyer pynsat khmat ia ki nongleit sha katei ka jaka pynlong ia ka jingsngap paidbah ka ban long la shai ka sngi ha Nongkhlieh.
Ka Khasi Student Union kala kynnoh ba wat hapdeng ka jingiakren ki pulit kila leh donbor da kaba siat ia ki lyer pynsat khmat bad bom ia ki paidbah, la kynnoh ba ia kane ka jingbom ia ki paidbah la ialam da u Deputy Superintendent ki pulit ka East Jaintia Hills District, kane ka jingkawang lyer pynsat khmat kala jia ha iew Umpleng East Jaintia Hills.
Kumba kala paw ha ki dur khih ka long ba kala don ka jingsiat da ka lyer pynsat khmat ia ki paidbah kiba mut ban leit sha katei ka jaka ban pynlong ia ka jingpynsngap paidbah kaba dei ban long lashai ka sngi.
