Shillong, Naitung 30: Ka ophis treikam jong ka Chief Electoral Officer ka jylla Meghalaya kala sngewtynnad ban pynbna iaka jingpyndep jong ka Special Intensive Revision (SIR) kaba mynta u snem iaka bynta jong ka jingleit man ka thliew iing briew ban sam iaki phorm pynrung kyrteng lane ki Enumeration Forms s pleased to announce the successful completion of the house-to-house phase of the Special Intensive Revision (SIR), 2026, da kaba pyn kynmaw ia u maw jam ba kongsan bha iaka jingpynkhreh jong ka jingthep vote kaba iaid beit iaid ryntih na ka bynta ka jylla.
Tad haduh ka 30 tarik Naitung, 2026, la don haduh 100 persen kiba na ka jylla Meghalaya kiba dei hok ki nongthep vote bad kiba shah jied ki long haduh 23,49,645 ngut, lem bad baroh ki Enumeration Forms kiba don haduh 23,49,645 kiba la dep sam bad pynthikna, ha kaba kane ka pyni iaka jingaiti kaba khlem artatien bad ka jingpyrshang kaba iatreilang jong ka kynhun baroh kawei.
Haba iakren shaphang kane, ki bynta ba kongsan hangne ki long ki nongthep vote ki don 23,49,645 ngut, katba ki Enumeration Forms kiba la dep sam bad pynshisha ki long 23,49,645 tylli. Katkum ka jingkhein, la ong ba la don haduh 7,75,337 ngut ki nongthep vote (33.00persen) kiba la dep pynshisha ialade bad kiba la don la ki sakhi ban thep vote kiba la pyniasoh bad ka Special Intensive Revision (SIR), katkum ka jingkhein jong u 2005.
Katba ki nongthep vote kiba dei ki khun ksiew ki don haduh 11,69,670 ngut (49.78persen) bad kiba la don ki sakhi ba pyniasoh ialade bad ki dei ki khun ksiew jong ki kmie ki kpa lane ki kmie ieid kpa ieid kumba la don ha ka jingkhein jong ka Special Intensive Revision (SIR), 2005.
Baroh kyllum, la don haduh 2,24,234 ngut ki nongthep vote (9.54 persen ki nongthep vote baroh) ki bym pat lah pyniasoh ialade bad ka jingkhein jong ka Special Intensive Revision (SIR), 2005 bad kine kila hap ha ka bynta jong ka jingbym don jingkhein lane “No Mapping”.
Kum kine ki jingjia, yn sa hap pyn thikna bha ha ka por ba don ka jingpynbna, kynthup iaka ban pynbeit bad pynsep iaki jingdawa bad ki jingpyrshah, kaban sa sdang naduh ka 5 tarik Nailar 2026 haduh ka 3 tarik Risaw, 2026, katkum ka jingkhein jong ka Registration of Electors Rules, 1960 bad ka jing batai jong ka Election Commission ka ri India. Ha kane ka por, ki nongthep vote kin ioh ka lad ban pynbiang iaki jingtip ba donkam bad ki kot ki sla, lada donkam, hashwa ban shim ia kano kano ka rai kaba iadei halor ka jingthep vote jong ki.
Katkum ka jingpyn shisha jong ka ASDD, la ong ba kum shi bynta jong ka jingpyn treikam pynshisha, la don haduh 1,80,404 ngut ki nongthep vote kaba mut 7.68 persen ki nongthep vote kiba la hap ha ka bynta jong ka jingpyndep pyn ithuh ialade hapoh ka jing bym don lane Absent, kiba la kynriah jaka lane Shifted, kiba la khlad noh (Deceased) bad kiba don haduh ar tylli ki card thep vote (Duplicate).
Lah ban iohi hangne ba la don haduh 81,490 ngut (3.47persen) kiba la khlad noh, katba ki bym shym la pyn phai iaki EF ki don haduh 45,013 ngut (1.92persen), kiba la kynriah jaka noh ki don haduh 42,532 (1.81persen), kiba kyntait iaka EF ki don haduh 4,668 ngut (0.20persen), kiba don ar tylli ki card thep vote lane kard EPIC, ki don haduh 6,701 ngut (0.29persen).
Haba kren shaphang kane, ka Chief Electoral Officer ka Meghalaya, u la ai khublei ia baroh ki party na kane ka jylla bad na ka ri India na ka bynta ka jingiatreilang kaba shit rhem ha kane ka por treikam ka Special Intensive Revision. Kala don ruh ka jingkyrshan na ka liang jong ki Booth Level Agents (BLA) kaba la thung da ki seng sain pyrthei kaba la don ka jingia tylli ban noh synniang, kala don ruh ka jingiatreilang ki paidbah bad ka jingthung ia kane ka jingpyn treikam kaba long ba jop.
Ka Chief Electoral Officer u la ai khublei ruh iaki nongtrei, kynthup iaki District Election Officers (DEOS), Electoral Registration Officers (EROS), Assistant Electoral Registration Officers (AEROS), Booth Level Officers (BLOS), BLO Supervisors, Election Technical Team, District SIR Teams, Data Entry Operators bad baroh ki ophisar bad nongtrei kiba ia don bynta lang bad ka Special Intensive Revision. Ka jingtrei shitom jong ki kaba khlem shongthait, ka jingiatreilang kum ka kynhun bad ka kam ba ki trei kala pynlong iaka jylla Meghalaya ba kan ioh iaka jingsam bad jingpyn shisha bad ka jingkhein hapoh ka por ba la buh.
Kane ka ophis treikam kala don ka jingsngew kmen da kaba ai khublei iaka jingkyrshan jong ki Dorbar Shnong, Nokmas, ki nongialam iaka imlang sahlang, ki kynhun bapher bapher, ki party jong ka seng sain pyrthei ba la ithuh, ki lad pathai khubor bad na kane baroh, ka ai khublei iaki paidbah jong ka jylla Meghalaya, kiba la don ka jingiatreilang ba shit rhem bad jingia tylli lang kaba la pynlong iaki nongtrei ka SIR ba kin pyndep iaka bynta jong ki ban sam iaki EF ha man ki thliew iing briew.
Da kane ka jingpyndep jong ki ia katei ka bynta, ka kynhun ki nongtrei ba peit iaki nongthep vote mynta kan pynleit jingmut halor ka jingpyn shisha iaka No Mapping bad ki ASDD bad ka jingpyn dep ia baroh ki kyndon bad ki lad jingtreikam kiba la pynbeit da ka ain, ka thup kyrteng nongthep vote kaba dang shna kan long ha ka 5 tarik Nailar 2026, lem bad ka jingpyn iaid bad ka jingpyn beit da ka Election Commission ka ri India.
Ka ophis treikam jong ka Chief Electoral Officer ka Meghalaya, kala iai bteng ban kular iaka jingiaid beit, ba janai, ba kynthup lang ia baroh bad kaba skhem ka jingpyn rung kyrteng na ka bynta ban thep vote, ha kaba kane kan pynskhem iaka rukom synshar paidbah bad pynneh iaka burom bad ka jingsngur jong ki jingjied ha ka jylla.
