Shillong, Nailar 01: Mynta ka sngi u President rangbah ka JNC sengkmie i bah Sambormi Lyngdoh, ula ong ba ka seng ka dap daka jingsngewsih bad sngew iamrem ban wan hakhmat Jong phi ki Paidbah khamtam ki nongshong shnong ba ieid ka Ri Jaiñtia ban pynpaw halor kaei kaba la jia iaki nongialam ka JNC.
Kane ka long hadien ba kila iohi iaka jingleh dobnbor, ka jingshah thombor bad pyni bor iaki nongshong shnong ka Elaka Sutnga bad shnongrim ha kato ka 30 tarik ha shwa ka jingpynlong ia ka jingsangap paidbah ki da kawei ka mynsieñ kata ban leit ai bor ai Mynsiem iaki paradoh para snam.
Kila mih ban leit ai Mynsiem iaki hynrei kumba iuh tdongbseiñ ynda ngi lah poi ha Umpleng ki pulit ki lah khang lynti iangi bad ker sawdong ia ki kumba ki la ia kum kita kum kita ki nongpyntriem, bad ki la Kem ia u President ryngkat kiwei ki nongialam bad ki dkhot, haduh kumba 6 ngut.
U President ka JNC u la kynnoh ba kila bom ia tied lathi ruh ia kine ki dkhot Jong ka seng,ki dap iaka jingsngewsih halor ka jingleh ki pulit ki bym kheiñ snep shuh ia ki sengbhalang, la kem ia ki dkhot ka JNC bad ban Thombor iaki Paidbah ka Elaka Nongkhlieh bad Elaka Sutnga.
Ka ei kaba jia ha Elaka Nongkhlieh ka pynpaw shai iaka jinglong jong kane ka Sorkar Jylla, haka dur jong ka Development kane ka Sorkar ka knieh iaka ja kpoh ki nongshong shnong,ka knieh jubor iaki jaka puta ki nong shong shnong, ka pyn iapait ia pra iaki Shnong bad ki Elaka.
Kane ka sorkar kamdon shuh iaka jing lehraiñ ka thombor iaki paitbah lyngba ki pulit bad ki Mafia jong ka haba shit ba rang, kane ka sorkar kamdon shuh iaka jing sngewlem bad ka jing iatiplem, ha kane public hearing jong ka Shree Cement ka sorkar jylla kala pynpaw ba haduh katno ka long Aggressive tang ban ioh kamai spah.
Halor kano ka nongrim ba u myntri kam poh iing u phah bat ia ki haki Pulit tang naka bynta ban thombor iaki paitbah ba thmu wan shaka public hearing khamtam kiba pyrshah.
Ka JNC ka buh jingkylli balei ka Sorkar ka phah bom phah tied iaki ba pyrshah ia ka jignpynsngap paidbah bad ka ai jingiada pat ia kiba kyrshan?, mano ba ai bor ka Shree Cement ban khlong ia ka Surok ka PWD haduh bala ktah iaka iaid ka ieng ki paitbah bad khamtam kiba pang ba shitom.
Ka jingkylli na ka JNC ka long mano ba ai bor iaki pulit ban ia treilang bad ki ka Shree Cement ? mano ba ai por ia ka shree Cement ban kawang maw ia kiba wan shaka jingpynsngap paidbah haduh ban da jot ki kali motor bad mynsaw ki paitbah.
Kawei ka khubor kaba shai ki paitbah ki lah ban klet ia kane ka jingshah leh donbor hynrei ka JNC ka nym lah ban klet ia kine ki jingleh donbor ka sorkar bad ki nongmihkhmat na Jaiñtia, ka JNC kan iai pynkynmaw ia kine ki kam runar jong kiba don ha ka bor.
