Shillong, Nailar 01: Mynta ka sngi u President ka seng samla pule ka Janita Student’s Union u samla Jersom Shylla u la ai ia ka jingujor da ka ejahar sha u Superintedent ki pulit ka East Jaintia Hills District ia kaei kaba la jia ha ka 31/Naitung/2026.
Ha ka ejahar la kdew ia ki san tylli ki mat ha kaba la kynnoh ba kala don ka jingthombor ha ka 31/Naitung/2026 ha ka sngi ba pynlong ia ka jingsngap paidbah iaka Shree Cement Private limited ha Lum Syrman, kam kut tang hatang, ki jingjia kila jia naduh Lad Tongseng da ka jingthmu ban leh ia ki kam runar.
Ha kane ka ejahar na ka liang u president ka JSU u la kdew ruh ia ki kyndon aiu ba pyngat ia ki nongleh kam sniew, ka jingjia ha ka 31/Naitung/2026 kala kdewshai ba ka don ka jingthmu ban pynmynsaw ia ki briew.
Haba ia dei bad ka jingshah pynjulor ka kali Ambulance ia ka ejahar la ai ha Umpleng Police Outpost da u samla Tricky Mukhim bad u Bocheru Mi Pohsnem, namar ka kali Ambulance kala julor.
Na ka liang jong ka JSU kala phah ruh ia ka jingujor sha ka Meghalaya Human Right Commission, ia ka jingujor pyrshah ia u Superintendent ki pulit la ujor da u samla Bocheru Mi Pohsnem bad u samla Jersom Shylla. Katba ia ka jingshah pynbjulor ia ka Ambulance la ujor da u samla Bocheru Mi Pohsnem.
