Shillong, Nailar 01: Ki paidbah kiba iaid ba ieng bad kiba pynieng kali ha Iew Mawlong kila kren diaw ban iohi ba ka Shillong Muncipal Board kala buh lyngkrang ia ki synduk bret niut kiba la thied remdor ha jaka ieng kali ha Iew Mawlong.
Kine ki synduk bret niut kiba la thied kyrpang da ka Shillong Municipal Board da ka jingthmu ban buh ha ki jaka bapher bapher ba ki paidbah kiba leit sha Iewduh kin bret ia ki jaka boh ha kine ki synduk kiba la phah shna kyrpang da ki plastic.
Kiba shong dukan ha katei ka jaka iieng kali ha Iew Mawlong kila iathuh ba ka jingbuh ia kine ki synduk ban bret niut ha katei ka jaka la bun bnia mynta bad wat ki kyrteng ba thoh Shillong Municipal Board ruh kila sdang ban dam.
Ia kine ki synduk la buh lyngkrang ha katei ka jaka ieng kali kaba la I saitmet ban peit ia ka jingbuh pathar ia ki tiar rem dor kaba Shillong Muncipal board kala thied ban buh ba ki paidbah kin bret niut hynrei la leit ban buh ha katei ka jaka ieng kali jong ka sorkar ha Iew Mawlong kum ki marnongra.
