Shillong, Nailar 13: Ka jingialang jong ka Kabinet kaba la long mynta ka sngi kala pdiang ia ka rai ba ka sorkar kan wanrah ia ka rai sorkar hapoh ka iing dorkar thawain ka jylla ka ban sdang ha ka 24/8/2026 ban pyrshah ia ka jingthih Uranium ha ka jylla.
Kiwei ki rai kiba la pdiang ha ka kabinet ka long halor ka kaiphot kaba la wanrah da ka kommittee kaba la khlieh da u Professor David Syiemlieh ha kaba ia dei bad ka eksam Meghalaya Civil Service kaba dei beit tang ba ka jylla Meghalaya.
Kane ka shant pule kaba kin pynrung mynta kan dei ka subjek kaba hynriew bad ka ne kan long kyrpang tang ka jingtip ha kaba ia dei bad ka jylla Meghalaya, ia ka khana parom jong, ka riti dustur, ka thymmei ia ka imlang sahlang, ka kamai kajih.
Ka jingpynrung ia kane ka jingpule ka long ba ki ophsiar ha ka kyrdan Meghalaya Civil Service ki dei ban tip bniah ia ka jylla Meghalaya bad ka jinglong kyrpang, ha ka imlang sahlang, ka riti dustur bad ha ka ioh ka kot.
