Shillong, Nailar 18: Ka ophis jong ka Deputy Commissioner, East Khasi Hills District, Shillong ka khot iawer na ka bynta jong kiba aplai kam bad ki Government Registered Societies bad Cooperatives, Voluntary Agencies (Vas), Youth, Cultural Clubs bad Associations.
Ki kynhun bym ioh jingmyntoi, Socio Cultural Clubs, Alumni Associations, Community Level Youth Institutions, ki kynhun, seng, registered Sports Associations & entities, District Level State Government Departments; na ka bynta ka jingphah jingiarap na ka Chief Minister’s Youth Development Scheme 2025-26.
Katba ki bynta ba katto katne ba hap hapoh ki skhim ki kynthup iaki tamasa jong ki samla ka District, ka jingpynkhuid shnong ha ki kyntoit ha distrik, ki prokram jong ki samla bad ki projek na ka bynta jong ki samla ba batai shaphang ka lad ioh kam ioh jam, ki jingleit peit bad pynioh iaki lad kamai kajih kiba dei kyrpang ia kawei ka tnat.
Ki prokram sngewbha ban pynbha bad pynroi biang iaka imlang sahlang, ki jingialang bad jinghikai halor ka rukom pynleit bad pynlong pisa ba stad, ki jinghikai ban tip bad pyndonkam iaki kor kompiwtar bad ka tecnologi thymmai, ki jinghikai bad jingiarap ban pynthngen bad pynkoit iaka jingmut jingpyrkhat, ki prokram pynsaphriang ban pynkoit iaka met bad ka koit ka khiah katkum ka jingbthah jong ka Sports Authority of India Fit India Campaign bad ka jingpynlong iaka Dorbar Samla ha ki shnong ki thaw.
Katba iaki phorm ban aplai bad kiwei kiwei ki jingtip ba kham bniah, lah ban leit na ka kamra nombar 311, Planning Branch, kaba dei ka ophis jong u Deputy Commissioner, East Khasi Hills District, ka ophis jong ki Block Development Officers na ka bynta jong ki seng ba hap ha ka C&RD Blocks bad lah ban thep lane download iaki phorm na ka website ba dei jong ka East Khasi Hills District ha ka www.eastkhasihills.gov.in.
Ki seng NGO kiba dei na ki jaka nongkyndong ki hap ban phah iaki phorm ba la dep aplai sha ki Block Development Officer jong ki bad ka tarik ba khatduh ban phah iaki aplikeshon phorm kan dei ha ka 15 tarik Nailur 2026.
Katba iaki jingbthah ba la dep phah da ki Government Registered Organisations bad kiwei kiwei, yn sa pyntreikam da ka District Level Empowered Committee bad ka rai ban shim da ka District Level Empowered Committee, kan sa long kaba khatduh.
