Shillong, Nailar 18: Ki pulit jong ka South West Garo Hills District kila ioh ban kurup 1.439 kilo u Ganja na u wei u briew kaba kila ioh ban bat na ka jingpynkap shrip ha Jhunjhuni Tri-Junction.
Katkum ka khubor jong ki pulit kila iathuh ba ka kynhun pulit na Kalaichar Police Patrol Post (PP) kila ioh ban bat u wei u briew katba ki dang khynra ia ki kali bad ha kane ka jingtalasi kila bat ia u Abdul Zaher, 53, u ba dei na Mankachar.
Ki pulit ki suba jur ba une u briew dei nongkhaii ia ki jingdih kiba sniew ha kane ka jingtalasi na ka pla jong u la ioh ban kurup ia u Ganja bad la pyngat ia u ha ka ain Narcotic Drugs and Psychotropic Substances (NDPS) Act.
Ki pulit jong ka SWGH District kila ong ba ki long kiba peitngor ban pynthikan ba kan nym don ka jingiakhaii ia ki jingdih ba sniew hapoh jogn ka District bad ha ka juh ka por khot wer ia ki paidbah ban ia trei lang ban ialeh pyrshah ia ki jingdih kiba sniew.
