Shillong, Nailar 19: Ka Drug Reduction, Elimination and Action Mission (DREAM) kaba la sdang iaka jingai jinghikai kaba nyngkong eh na ka bynta ki nongtrei jong ka Rehabilitation Centre kaba don ha Garo Hills, kaba ioh jingiarap na ka sorkar.
La pynlong ia kane ka prokram ha ka 18 tarik, Naitung 2026 ha Shillong bad ki mat ba kongsan ki long ka jingtreikam ka long lyngba ka Drug Reduction, Elimination and Action Mission (DREAM) ryngkat ka jingiasnohkti bad ka San-Ker, Centre for Mental Health and Neurology Shillong.
Ka long ka jingai jinghikai kaba lai sngi lynter, kata naduh ka 18 haduh 20 tarik Naitung 2026 na ka bynta ki nongtrei ba thymmai jong ka Sewa Inland Rehabilitation Centre kaba don ha Tura, West Garo Hills. Ki Nongwan iashim bynta ha kane ka prokram ka khot lang iaki doktor bad ki nongtrei sumar, ki nongai buit bad kiwei ki nongtrei kiba pyniaid ia kane ka jaka sumar thymmai.
Ka thong jong ka jinghikai ka long ban pynbiang iaki nongtrei da ka jingtip, ka buit bad ka jingkoit jingkhiah ba shisha ban pyniaid iaka jaka sumar kham bit kham biang. Ka pyniasoh iaka jingpule kot bad ka jingtrei kam hi da ki kti.
Ka sorkar ka thmu ban pyntreikam ia kane ka rukom hikai ha baroh ki rehabilitation centre thymmai ba ka sorkar ka thmu ban plie ha ka jylla, khnang ba ki nongtrei kin long kiba la pynkhreh lypa shuwa ban pyniaid iaki jaka sumar.
Ka jingpynbit ha ki jaka trei kaba long shi bynta na ka jinghikai, ha kaba ki nongtrei kin ioh ban iatrei pratical ha ki ar tylli ki jaka sumar ba la don lypa, kaba long ka New Life De-addiction Centre (na ka bynta ki shynrang)New Hope De-addiction Centre (na ka bynta ki kynthei).
Ka jingai jinghikai ba shisha ka long ban pyntbit iaki nongtrei bad ki nongai jingsneng kaba yn iarap iaki ban tip kumno ban pyniaid iaki kam man ka sngi ha ki centre kynshew lane pynkhiah. Ki ioh jingshai halor ka rukom sumar, ka rukom synran bad ki jingeh ha ka jinglong jingman ki khynnah. Ka iarap ban pynbiang iaka jingsngewthuh bad ka jingiatreilang kum kawei ka kynhun.
Ka jingiasnohkti jong Ki nongialam bad ki Centre ki long ka Dr. S. Syiem, kaba dei ka nongseng iaka SAN-KER, kaba la iadon bynta lang ha ka jingplie ia kane ka prokram, katba ki nongpyniaid bad ki nongai jingsneng na ki centre bapher bapher ki la iasnohkti ban ai jingmut.
U Mission Director jong ka DREAM, u bah Francis G. Kharshiing, u la iathuh ba kane ka dei ka sienjam kaba khraw ba kane ka centre ka ioh jingiarap na ka sorkar kaba nyngkong eh ha ka thain Garo Hills. Ka iahap bad ka jingthmu jong u Myntri Rangbah ka jylla Meghalaya, u Conrad K. Sangma ban seng iaki rehab centre ha man la ki distrik.
Ki kyndon bad ka jingai kingmut na ki centre bapher bapher, ki Project Coordinator na ka New Hope De-addiction Centre bad ka Kripa Rehabilitation Centre for Children kila iasam iaki jingiashem jong ki. Kila pynshai ba ka jingstad ha ka kam hi ka long kaba donkam, hynrei donkam ruh ia kiwei pat ki longrynieng.
Ki nongtrei ki donkam ban don ka jingiaishah, ka jingsngewlem bad ka jingsngewsynei. Kine ki jinglong ki iarap ban pynbit iaki ban synran ia kiba don ha ka jingeh ha ka dih ka buaid ha ka rukom kaba don burom. Ka Jingthmu Jong Ka DREAM Mission ka long ba ka shim ba ka jingpynbit iaki nongtrei ka dei ka bynta kaba donkam tam ban pynkhlain iaka rukom sumar ha ka jylla.
Ka jingthmu ka long ban pynbiang ym ban bhalang iaki iing ki sem lane ki tiar, hynrei ban pynbiang ruh iaki nongtrei kiba bit bad kiba don ka jingsngewsynei. Ka thmu ban pynbiang iaki nongtrei kiba kloi ban synran bad iarap iaki briew ban ioh biang iaka jingkoit jingkhiah bad ban iasnohkti biang bad ka imlang sahlang.
