Shillong, Nailar 21: U Myntri Rangbah ka jylla Meghalaya, u Conrad K. Sangma, mynta ka sngi u la iakren bad u Myntri Rangbah ka Assam, u Dr. Himanta Biswa Sama ha kaba iadei bad ka jingiakynad ha kane ka nongbah Shillong ha ka 19 tarik Nailar bad dei na kane, kala ktah jur iaki paidbah bad ki nongleit nongwan ha kine ki jylla.
Haba kren ha ki lad pathai khubor, u Conrad K Sangma u la ong. A baroh ki ar jylla kila ia mynjur ban iatreilang ryngkat ban wanrah iaka jingsuk jingsain bad kan long kumba ju long bad ban iada iaki paidbah ba don ka jing bym ia sngewthuh jingmut hapdeng jong ki.
U la ong, “Ngi la mynjur ban iatreilang ryngkat kumba ju long ban wanrah jingsuk jingsain, ki Myntri ka kabinet na ki ar tylli ki jylla kin sa iakynduh ban iakren bad ban pynioh iaka jingshaniah, jingsuk bad kiwei kiwei.”
Da kaba kyrpad iaki paidbah jong ki ar tylli ki jylla, u la ong, “kane ka long ka jingkyrpad iaki paidbah jong kine ki ar tylli ki jylla ban iasuk iasain noh bad sangeh ka jylla Meghalaya iaka jingiakynad bad ka Assam bad ngin iatreilang ryngkat ban iada iaki.”
Kum shi bynta jong ka jingia mynjur lang, ki Myntri kabinet na Meghalaya bad Assam kin iakynduh ban wanrah jingsuk, jingshaniah bad kan long kumba ju long.
Ia kane ka jingiakynduh, kala jia na ka daw jong ka jingkulmar kaba mih hapdeng ki nongleit nongwan kiba la shah thombor ha kiwei pat ki briew bym ithuh bad kala don ka jingiakynad ha ka jylla Assam.
Haba kren shaphang ka Meghalaya bad ka Assam, kine ar tylli ki jylla ki don iaka jingiateh kaba iajan ha kaba iadei bad ka pisa pilain bad ka imlang ka sahlang, ha kaba ki paidbah na kine ar tylli ki jylla ki ju leit ju wan ha kylleng ka khappud na ka bynta ka kam, pule puthi, ka koit ka khiah, ki kam ki jam bad kiwei kiwei ki jingdonkam.
U Myntri Rangbah ka Assam, u Dr. Himanta Biswa Sarmah, uba la iakren bad ka X, u la ong ba u la iakren bad ka Assam halor ki jingjia ba jia ha Shillong. U la ong da kaba batai ba ka Assam bad ka Meghalaya ki long kum ki “shipara ki jylla, u Dr. Sarma u la ong ba kine ar tylli ki jylla ki don iaka histori jong ka kolshor bad kiwei kiwei” bad ban jur ba “ka jingia burom iwei ia iwei bad ka jingiatip lem ka dei ban don bad kane kan sa ialam lynti iangi na ka por sha ka por.”
Katba ka sorkar Meghalaya ka pynneh pynsah ia la ka kular jong ka ban iakren shaphang kane da ka jingsuk jingsain bad da ki nongrim synshar paidbah bad ki kyndonain ba la pynskhem, katba dang pynskhem ruh iaka jingshngain, ka burom ka akor bad ki hok ki longbriew manbriew.
