Shillong, Nailar 21: Ki briew kiba ym lah ban tip mynta ka sngi 21/Nailar/2026 kila thang ia ka kawei ka bike ha Malki la ong ba ka dei jong ki pulit ha kane ka jingjia ka bike kala ingkhong na ka jingklang ka ding.
Ki riew runar kila leit ruh ban kawang petrol bom ia ka ophis barim jong ka National People Party kaba don ha Lower Lachumiere ha kane ka jingshah kawang petrol bom kam shym don kano kano ka jingjulor.
Na ka liang jong ki pulit mar syn ioh jingtip kila leit bran bran sha katei ka jaka ban lum ban lang ia u bilor ba la pait ha phyllaw katei ka iing. Na ka liang jong ki briew ka NPP kila iathuh ba kane ka jingkawang petrol bom ia ka ophis barim kala jia ha ka por kumba san baje eiei mynstep.
Ha ka por mynmiet ki briew ba la tap dur khmat kila leit ban kawang petrol bom ia ka Police Outpost jong ka Nongmynsong kaba don harud surok ha kane ka jingjia kam shym don kano kano ka jingmynsaw ne jingjulor. Haba iadei bad kine ki jingjia baroh ki pulit kila rejister ejahar pyrshah ia ki nongleh kam sniew.
