Shillong, 21, Nailar: Ka seng Jaintia Students Union kala pynrem jur iaka jingshah kem jong ki nongtrei ba trei hapoh ka ophis jong ka seng Khasi Students’ Union bad kala dawa ban tohkit ia kito kiba riew shimet kabu ha ka rally jong ki.
Katei ka seng Jaintia Students’ Union kala pynrem jur ruh iaka rai jong ka sorkar Meghalaya ba kala kem iaki nongialam ka seng KSU. Ka rukom kem jong ki pulit iaki nongiakhih pyrshah, kala i kumba kine ki nongialam ka seng KSU ki dei ki kynja ehrang, kaba la i sait met shisha ha kaba ki pulit kila kawang da ki tear gas, kaba la ktah ruh iaki nongshong shnong jong ka Jaiaw.
Hangne, la lah ban ithuh ba man ka por na ka por sha ka por, haba don kano kano ka jingiakhih da kino kino ki seng ne kynhun, la don ki katto katne ki riew shim kabu kiba la ioh lad ban pynthut bad ban pyn thohbria ia kum kine ki jait jingiakhih bad kane kam dei ka sien ba nyngkong ba la jia kumne ha ka por ba don ka rally jong ka seng KSU.
Na ka daw jong ka jingbym shim khia ka sorkar Meghalaya iaki jingdawa jong ka seng KSU halor ki mat jingdawa kala pynlong ka jingkylli. Kawei ka jingdawa ka long ka jingpyn sangeh ba mat mar ban don ka public hearing ha kaba iadei bad ka Shree Cement Ltd.
Ka sorkar kala pynkhein iaka ain bad ki rule jong kane ka public hearing bad ka jylla baroh kawei kala sakhi ban iohi ia kane baroh kaba ka sorkar MDA 2.0 kala pyndonkam bakla iaka ain ha kaba iadei bad kane. La don ki jingkylli kiba la mih ha kaba iadei bad ka jingpyndonkam bakla ka sorkar MDA 2.0 iaka ain.
Kaei ka jingshim khia kaba la shim halor ka jingai ejahar da ka JSU ha kaba iadei bad ka jingshah thombor ka kali kit nongpang jong kane ka seng bad ia u nongniah kane ka kali.Hato la shimkhia iaka jingpyndonkam bakla ka bor ba dei peit jong ka MSPCB, DC bad u SP jong ka East Jaintia Hills.
Haduh kat kine ki sngi, ka sorkar kala shu sngap mynthi ban iakren halor kito ki mat jingdawa, ha kaba ki jingkylli kila mih ba hato ka sorkar MDA 2.0 kala thaw iaka ain tang ban pynkhein iaka katba ka mon, da kaba leh klet ban peit ia kine ki jingdawa?
Ia kane ka press release, la pynmih lang da u President ka seng JSU, U Jersom Shylla bad u General Secretary ka seng JSU, u Neilkee Mukhim.
