Shillong, Nailar 21: U Lamphang ka iing dorbar thawain, u Thomas A. Sangma, u la iakynduh bad u Myntri ka sorkar pdeng ba dei peit iaki jaitbynriew, u Jual Oram, ha ka ophis treikam jong u mynta ka sngi bad u la dep phah iaka jingkyrpad lem bad ka Detailed Project Report (DPR) na ka bynta ka bynta ba ar jong ka New Meghalaya Legislative Assembly.
Ha ka por ba don katei ka jingialang, u Thomas A. Sangma u la iakren halor ka mat ba iadei bad ka jingpyn sah teng iaka scholarships jong ki samla pule jong ka jylla Meghalaya. U la kyrpad ia u Jual Oram ba un pyllait noh kloi kloi iaka scholarship kaba dang sah.
U Thomas A. Sangma u la bynrap da kaba kyrpad ba iaka scholarship ba sah, yn pyllait shwa khyndiat khyndiat ban ia kaba pyllait syn pyllait. U la ban jur ba ka jingpyllait lang mar syn pyllait iaka pisa scholarship kan iarap pynkylla lane pynpeit iaka jingartatien bad jingbymhun jong ki khynnah pule.
U la ban jur ruh iaka jingdonkam ban pynlait noh kloi iaki pisa scholarship khnang ba ki khynnah pule riewlum ha Meghalaya kin ym iakynduh jingeh ha kaba bud iaka jingpule jong ki. Kane ka jingialang kala ai lad ruh ban iakren halor ki kam kiba dei iaka roi ka par jong ka Iing dorbar thawain ka Meghalaya bad ka bha ka miat ha ka pule puthi ki khynnah pule riewlum ha ka jylla.
