Shillong, Nailar 22: Ka UDP State Youth Wing ka pynpaw iaka jingsngewsih halor ka jingjia ha ka sngi ba iaid paidbah ka seng KSU bad ki pynrem jur ia ki nongshim kabu kiba ktah ia ka hok long briew man briew.
Ki bor pulit ki la dei ban ai ka jingpahara lang ha kane ka sngi iaid rally khnang ba kan nym don kano kano ka jingkuimar kum ba leh lang kiwei pat ki jingiaid rally kiba synran lang ki pulit.
Hynrei, kaba ktah shuh shuh ka dei ka rukom leit ki bor pulit ban thom da ka bor ia ka ophis KSU Shiteng Synñia, da kaba siat da ki tear gas bad rung jubor, hadien ba lah dep kem ia ki laingut ki nongialam, khamtam haba ka ophis ka don hapdeng ki iing shong ing sah jong briew bad kaba don hajan hospital.
U Nongialam Jong ka KSU u lah dep kren pynshai paidbah lyngba ki khubor ba ki ruh kim ia hap satia bad kiei kiba lah dep jia bad tyrwa ruh ban pan jingiarap na ka District halor kitei kiba kdew haneng, kim sngewdei ban set iaki nongialam sha Tura bad Williamnagar ka long kaba biang.
Ka kam ram jong ka Sorkar ka dei ban wan rah jingsuk, pynban ki ai ding da kaba leh kumne. Ka jingkyli ka long, hato ka Sorkar ka leh khnang ban tap lup noh ia ki jingdawaka KSU.
Kumta ka UDP State Youth Wing ka kyntu ia ka Sorkar ban khot ia kren noh mar mar ia ki samla pule hadien ba lah thaw lad thaw lynti ban pynlait noh ia ki Nongialam, khnang ba kiei kiei kin iaid beit iaid ryntih ha ka Imlang Sahlang, ban wanphai biang ka jingsuk jingsaiñ bad jingshngaiñ ha ka jylla, ka jingshah khang ki kali Meghalaya ha Jorabad la ktah ia ka leit ka wan jong ki paidbah.
Ka jingbyrngem ban beh lut iaki samla pule Meghalaya na Assam ka long ki bor ka Administration bad Police ban lap ia kiba don kti. kan buh jingeh, lada ka sorkar kam shim khia ban tem noh iaka jinglong jingman. kane ka long katkum ka kyrwoh kaba la phah da u bah Auguster Jyrwa chief youth organiser ka state Youth Wing bad u bah Desmond KL Mawlong Joint Secretary State Youth Wing.
