Shillong, Nailar 23: Mynta ka sngi ka 23/Nailar/2026 u symbut myntri rangbah ka jylla u bah Sniawbhalang Dhar u la khot ia ka jingialang kaba kyrkieh ha Secretariat ia ka seng ki nongniah kali Tourist bad kiba niah Taxi kamai ban ia kren halor ka jingkhang ia ki kali Assam ban rung sha Meghalaya.
Ha kane ka jignialang la wan ia shimbynta da ki dkhot ka seng ki nongniah Taxi bad niah Tourist ryngkat ki nongaibuid jongki, katba na ka liang ka sorkar ka lam khmat da u symbut mytnri rangbah ka jylla ha jingdon lang ki heh ka tnad ka kit ka bah, ki Deputy Commissioner bad ki Superintedent ki Pulit ka East Khasi Hills bad Ri Bhoi District.
U symbut myntri rangbah ka jylla haba kren ha ki lat pathai khubor ha dien ka jingialang ha ka jingiadon lang ki nongkit kam na ki nongniah Tourist bad Taxi, la ong ba kila shim ia ka rai ba naduh mynta ka sngi yn shah ia ki kali Assam ban sha Meghalaya kumba juh lang bad ki kali Meghalaya ruh kin leit sha Assam kumba juh long.
La iathuh ba ha ka 10/Nailur/2026 yn khot ia ka jinialang kaba u Commissioner Transport ka jylla Assam bad u Commissioner Transport ka jylla Meghalaya kin ia don lang bad kumjuh ki nongialam ki seng nongniah kali ba kin ia kren bniah halor ki jingdawa.
U bah Ricaldo Dohling President ka All Khasi Tourist Association la ong ba kila ia mynjur ba ka jingiaid ki kali Meghalaya bad Assam kin ia rung ia mih kum juh long naduh mynta ka sngi bad kin ap haduh ka 10/Nailur/2026 lada ka jingiakren kam sei soh ha katei ka sngi kin bteng biang ia ka jingiakhih.
