Shillong, Nailar 24: U samla Pynshaiborlang Rani Assistant General Secretary KSU seng Kmie u la ong ba ka seng kala ioh pdiang ia ka shithi bala phah da ka sorkar ban ia kren ha ka por 12.00 baje shiteng sngi.
Kum ka seng kaba don ia ki dkhot ha ka CEC na kylleng ki jaka jong ka Ri Khasi Jaintia kim shym la lah ban khot ia ka jingialang jong ka CEC mynta ka sngi hynrei kila rai ban khot la shai ia sngi ban ia kren halor ka jingkhot ia kren ka sorkar jylla.
Mynta ka sngi na ka liang ka seng lem bad ki nongialam barim ka la don ka jingpynher ehrngiew iaka lama ka seng ha ophis treikam ka seng ha Jaiaw hadein ka jingthombor ki pulit iaka ophis ka seng ha ka miet jong ka 19 tarik.
Ka seng ka pynlong ia kane ka jingialang kum shi bynta ban pynehrngiew iaka seng hi baroh kawei bad ka la don ruh ka jingduwai phirat halor kane ka bynta, kane ka jingkhot ia kren ka sorkar ka long halor ki san tylli ki mat kaba ka seng kala dawa.
