Shillong, Nailar 26: U Myntri Rangbah ka jylla u Conrad K Sangma la ong ba kane ka jingiakren bad ka seng samla pule ka Khasi Student Union mynta ka miet ka long ba sngewtynnad ha kaba ka sorkar kala ioh ban pynshai ia baroh san tylli ki mat jong dawa kaba ki la buh ha khmat ka sorkar.
Haba kren ha ki lat pathai khubor ha dien ka jingiakren bad ki nongialam ka KSU la ong ba ka jngiakren ka long kawei pat kawei ka mat jingdawa kaba kila buh ha khmat ka sorkar bad bun ka sorkar kala ioh ban pynsngew sha ki samla pule ha kane ka jingialang.
Haba ia dei bad ka jingdawa ban pynduh ia ka jingsngap paidbah ka Shree Cement Company, u myntri rangbah u la pynsngew ha ki ba don kam ban wanrah ia ki nongbei pisa sha ka jylla ban kiew ka ioh ka kot namar haba ki tyrwa ban wan seng ia ka karkhana dewbilat ka dei ka dak ka jylla kan kiew namar ka dei ka kompnei kaba la paw bha.
Ha dien bala bud ia baroh ki kyndon la pynlong ia ka jingsngew paidbah bad ha kane ka jingiakren na ka liang jong ka KSU ruh kala pyni iala ki jong ki nia bad ha dien ka jngiakren la shim ia ka rai ban thung ia ka kynhun tohkit kaba lait na ka jingtuklar.
