Shillong, Nailar, 29: Ha ka dorbar synrai kaba dang shu dep u Symbud Myntri Rangbah, U bah Prestone Tynsong ba dei peit iaka District Council Affair u la pan pisa shuh na iing dorbar ban siew iaka bhah jong ka Khasi Hills Autonomous District Council bad iaka Garo Hills Autonomous District Council.
Haba iadei bad ka jingsiew sha ka KHADC, ka iing dorbar kala mynjur ban pyllait iaka jingpan pisa shuh ka tnad DCA T. 5,51,50,000/- bad 33,08,98,000/-. Kane ka dei ka bhah ba ka sorkar kan siew sha ka KHADC kaba dei ka khajna kaba la tip kum ka Royalty.
Haba iadei bad ka GHADC, ka sorkar kala pan pisa T. 58,17,55,069/- kane ka long ba kin siew iaka tulop jong ki nongtrei na ka bynta 8 bnai kata ka long naduh u Nailar 2026 haduh Lber 2027.
Haba iadei bad ka Jaintia Hills Autonomous District Council, ka iing dorbar kala mynjur ban pyllait iaka pisa T. 100,75,52,796/- kane ka pisa kaba ka sorkar kala pyllait na ka bynta ka JHADC ka long ban siew iaka tulop na ka bynta ki nongtrei na ka bynta 10 bnai kata naduh Jylliew 2026 haduh Lber 2027.
