Shillong, Nailar, 29: Ka jylla Meghalaya hapdeng u snem 2009 bad 2023 katkum ka jingkhein ba la shim na ka ISFR, kala don ka jingduna ki khlaw da 325 sq. kilometar, na ka liang ka sorkar kala shim bun ki lad ki lynti kumno ban pynneh bad pynsah iaki khlaw ki btab.
Ka tnad Forest bad Environment kala buh iaka jaka thung dieng ha kylleng ka jylla Meghalaya da ka jingmang pisa na ka sorkar jylla, ki don ruh ki skhim ba wan na ka sorkar pdeng, kum ka CAMPA, MEPRF bad MMMRA. Kane ka long ban pynioh biang iaki khlaw ki btab.
Naduh u snem 2006 haduh 2027, ka sorkar kala buh iaka thong ba ka dei ban don ki khlaw ha ka jingheh kaba 3,065.09 bad ka sorkar kala mang pisa T. 8,66,14,185.24/- na ka bynta ban thung dieng. Kala don ruh ka jaka ban thung 20 kilometar ha ka jinglut T. 1,09,70,614/-.
Ka sorkar kala pynkhreh kumno ban pyntreikam ban pynneh pynsah iaki khlaw ha ka jylla ha ki bynta bapher bapher da kaba pyntreikam ia kiba bun jait ki skhim na ka bynta ban pynneh iaki khlaw ki btab ha ka jylla baroh kawei.
