Shillong, Nailar, 29: U Myntri Rangbah ka jylla Meghalaya, U Conrad K. Sangma mynta ka sngi u la leit sha R. R. Colony bad ha kane ka jingleit u la ai T. 5 lak ban shna biang iaka dur mot jong u Subhash Chandra Bose bad iaka iit ba tap iaka dur mot u Swami Vivekananda.
Ha kane ka jingleit u Myntri Rangbah u la iakynduh iaki dkhot ka Development Committee ha kaba u la iakren bad ki ha kaba iadei ki jingdonkam bad katei ka thain. Ha kane ka sngi, ki dkhot jong ka Committee kila batai iaki jaka buh iaka statue jong kitei ki riewkhraw ka ri.
Kumban shu pynkynmaw ba ia kitei ki dur mot jong u Subhash Chandra Bose bad u Swami Vivekananda kila shah pynjulor ha ki riew runar kiba ym lah ban tip ha ka sngi ba iaid paidbah ka Khasi Students’ Union.
