Shillong, Nialur 01: Mynta ka sngi ka 1/Nailur/2026 ka National People’s Party kala rakhe ia ka sngi seng ia ka party haophis jong ka, kaba dei ruh ka sngi kha jong u nongseng u Purno A Sangma bad kane ka party kala kynjoh khatsaw snem naduh bala seng ia ka ha u snem 2012.
Haba kren ha ki lat pathai khubor ha dien bala kut jingrakhe ia ka jingdap khatsaw snem ka party u bah Prestone Tynsong symbut myntri rangbah ka jylla u la ong ba ka party mynta kala don 33 ngut ki MLA, kan nym don kano kano ka jingktah ia ka sorkar bad kin pyndep ia kane ka por ba dang sah.
Haba ia dei bad ka jingjia hapoh ka party kumba mih khubor u bah Prestone u la ong ba kata ka dei ka kam poh iing jong ki um kwah ban ong ei ei u ruh u shu iohi ha ki lat pathai khubor, hynrei ka sorkar ka skhem kam don jingthut ei ei ruh.
La ong ba man ka por juh don ia ka jingialang jong ka MDA bad haba don kano kano ka jingeh ki ia kren ha ka MDA bad ki paralok kiba don lang ha ka MDA haba ki don kam ki kynduh ia u myntri rangbah ka ne ia ki symbut myntri rangbah ban ia kren.
Haba phai sha kine ki khatsaw snem kiba la dep bad khamtam naduh u snem 2018 kaba ki paidbah ki ai ka jingshaniah ban pyniaid ia ka sorkar kila leh bun ki kam kaba kiwei kim pat juh leh ha ki por kiba la dep, kum ka jingiapynbeit pud, ka Themmotor wat ong ba la klet shen kin sa shong jingialang.
