Shillong, Nailur, 01: U Superintendent of police, East Khasi Hills District, Shillong, Meghalaya, u bah Vivek Syiem, ha kaba u la ong ba ha ka 1 tarik, Nailur, 2020, la don ka ejahar kaba kila iohpdiang ha thanad jong ka Mawngap ha kaba u bah Teren Mawlieh u la batbor ia kawei ka khynnah ba dang rit ka rta.
Katkum ka jingujor ejahar, la dep registar iaka mukotduma ha Mawngap P.S Case No. 49(12)2020 u/s 354/354A/354B/376(2)(f)/376(3)/503/506 IPC r/w Sec 3(b)/5(n)/6/7/9(1)(n)/10 POCSO Act. La dep tohkit ia katei ka jingjia bad la kem noh ia u bah Teren Mawlieh. Haba la dep ka jingtohkit, ka ophisar ba tohkit kala dep registar da ka Charge Sheet kaba hap hapoh ka CS No. 03/2021 Dated 05/02/2021 u/s 5(1)(m)(n)/6 POCSO Act.
Katba ha ka 28 tarik Nailar, 2026, ka nongbishar jong ka iing bishar, ka kong M.K. Lyngdoh, Spl. Judge (POCSO), East Khasi Hills, Shillong kaba hap hapoh ka Judgment/Court katkum ka 28/08/2026, la pynngat ia u bah Teren Mawlieh ha ka Spl. (POCSO) Case No. 06 jong u snem 2021 kaba la dep registar ha Mawngap P.S Case No. 49(12)2020 u/s 354/354A/354B/376(2)(f)/376(3)/503/506 IPC r/w Sec 3(b)/5(n)/6/7/ 9(1)(n)/10 POCSO Act. Ia u bah Mawlieh, la hukum ban set phatok ia u haduh 20 snem lem bad ka kuna haduh T. 30,000/- jong ka POCSO Act, bud da ka jingshah set phatok sa lai bnai.
La hukum ruh ban set phatok ia u haduh 30 snem bad ka kuna haduh T. 40000/- jong ka POCSO Act bud da ka jingshah set phatok sa kumba saw bnai. La ong ba un shah set phatok sa san snem bad ka jingshah dain kuna haduh T. 10000/- na ka bynta kane ka kam runar kaba hap hapoh ka POCSO Act lem bad ka jingshah set phatok sa shi bnai.
Yn set phatok ia u bah Mawlieh sa hynniew bnai bad ka jingshah dain kuna haduh T. 20000/- hapoh ka u/s 10 jong ka POCSO Act bad lada ym lah siew iaka kuna, un shah set shi bnai. Utei u runar u la dep shong hapoh phatok la don lai snem, 11 bnai bad 28 sngi bad kaba sah ka long sa 26 snem bad ar sngi hapoh phatok.
Ia katei ka mukotduma, la dep tohkit da ka kong L. Kharjana, kaba dei peit iaka WPSI, kaba don ha Women P.S, East Khasi Hills District.
