Shillong, Nailur 25: U bah Paul Lyngdoh MLA ka party mynta ka sngi u la ong ba ka jingkhyllem noh ka party riewlum kaba heh tam kaba don 12 ngut ki MLA kan pynmyntoi ia kiwei ki party kynthup ia ka party Voice of the Peoples’ party.
U bah Paul u la ong ba dei tang maka na ki seng riewlum kaba dang bat ia ka jingsynshar ka KHADC bad ka don ia ki MLA ha iing dorbar thawain ka jylla bad u MP ba la khlad noh dei na ka party VPP, ka nongrim jong ka UDP ka dang im haduh mynta.
Kaei kaba jia ka long ba kita ki nongpyntyllun sha khmat ia ki nongrim ka party, hynrei ha ka jaka ba kin ia tyllun sha ka thong ban thep kol hynrei ki ia kynjat noh para ba ia don ha ka kynhun te kam poi sha kol.
Ia mynta na ka liang jong ka party ka dang don ha ka jingiasylok bad kane kan shimpor namar ba ioh sngew bad ban sngap ia ki jingpynpaw na baroh ki liang, kum ki nongkit kam kiba ha khmat bad kumjuh ruh na ki paidbah.
