Shillong, Nailur 25: U bah Sanbor Shullai mynta ka snghi u la ong ba phra ngut ki MLA jong ka UDP kila rung sha ka party BJP ha Delhi bad na ka liang jong u dap da ka jingkmen bad ki paidbah Khasi Jaintia bad Garo ki dei ban ai ka jingiaroh ia kine ki MLA kiba iohi jngai.
Ki phra ngut ki MLA kiba pyniasoh bad ka BJP ki dei kiba ieit ia ka jaka kaba ki mih khmat bad ia ka jylla bad ki mat jingdawa kaba ki dawa ki dei kiba ia dei bad ka jylla bad kum ba ka long mynta ia ka party Congress kim juh pdiang ba ki ong ka party dkhar haba ki paidbah ki sngewthuh kila pdiang.
Kumba ka long mynta ki kynnoh ba ka party BJP ka dei ka party ba pyrshah Khristan, hynrei haba u la jop na ka party BJP u la ioh shibun ki kam pynroi hapoh ka Konstitwensi bad mynta kat sha ba u leit ki paidbah kila ngiah ia kiwei kiwei ki party mynta kin phai khmat noh sha u Narendra Modi.
Kumba ka long mynta kata ka jingong pyrshah khristan kala kylla bad mynta ki paidbah ki pdiang beit ia ki kam pynroi, ha ki nongkyndong ki ong Khaw ruh ai Modi, Gas ruh ai Modi, Um ruh ai Modi, skhim nongrep bad ka painkhana ba ia leit ruh ai Modi.
U bah Sanbor u la ong ba peit ki jingkylla ki surok, san phew snem mynshuwa bad mynta 10 snem wan ka party BJP ka jingkylla peit ka jylla katno kala kiew, ngeit skhem ba ki paidbah kin nym shah ialam bakla ban pyntieng bad la ong mano ban iada ia ki khristan u don u bah Sanbor ban iada yn leit sha duh jingthiah lada don kum kata ka jingkynnoh kine ki jingkynnoh baroh ki bym don nongrim u la ong.
