Shillong, Nailur 25: Mynta ka sngi ka party Congress ha kylleng ka Ri India kala pynlong ia ka jingiakhih paidbah ban pynrem ia ka jingleh jong u Chief Election Commission ka Ri India u Gyanesh Kumar.
Ha Meghalaya ka party Congress kala ia snohkti lang bad kiwei ki dkot ka party ha kylleng ki jylla ha ka ri India ban ia khih paidbah pynrem ia ka jingleh donbor jong u Chief Election Commissioner da kaba iaid paidbah na Congress Bhavan ha Thanad Road sha Additional Secretariat.
Haba kren ha ki lat pathai khubor u president jong ka Meghalaya Pradesh Congress Committee u bah Vincent H Pala, u la ong ba kane ka jingiakhih jong ki ka long ban pyrshah ia ka jingleh don bor jong u CEC ka Ri India khlem da sngap lang ia ki wei ki dkhot ka Election Commission ka ri India.
U bah Pala la ong ba ha kine ki shiphew bnai khatsaw sien kiwei pat ki dkhot ka election commission kiba don lang bad u kila ujor ia ka jingleh namar u Gyanesh Kumar u dei u Chief Election Commissioner ka Ri India.
Kawei na ki jingujor kaba kila ujor ka dei ka jingpynduh kyrteng ia ki nongthep vote da kaba weng ia ki kyrteng na ka elektoral roll, ha kine ki shiphew bnai u la leh don bor marwei marwei bad kaei kaba u leh ka long tang ban biang ka BJP, hynrei kane ka jingleh ka pynduh noh ia ka jingshaniah.
