Shillong, Nailur, 01: Mynta ka sngi, ngi kynmaw burom ia u kpa jong ngi, u Purno Agitok Sangma, bam kwai ha dwar u blei, ha ka jingrakhe iaka sngikha jong u kaba 79 snem la Lok Sabha ha ka jingdon lang u Lamphang ka iing dorbar thawain ka Lok Sabha, u Om Birla, u Deputy Chairman ka Rajya Sabha, u Harivansh Narayan Singh, u Secretary General ka Rajya Sabha, u P.C. Mody hapoh ka Central Hall jong ka iing lieh mynta ka sngi na ka bynta ban kynmaw burom ia u, ha kane ka jaka pule kaba u la pyndep iaka jingpule jong u.
Ia u Purno la kha ia u ha ka shnong ba rit ha Chapahati, West Garo Hills, ha kaba u la long uba trei shitom ha ki snem ba la leit, ban long u Myntri Rangbah ka jylla Meghalaya, u Lamphang ka iing dorbar thawain ka Lok Sabha bad u nongialam kum u nongsain pyrthei bad u nongialam bakhraw uba ka jingsawa bad ka ktien jong u kala rah bad pynphriang iaki jingthrang bad ki jingangnud jong ki paidbah ka thain shatei lam mihngi ha baroh kawei ka Ri India.
Dei tang ma u ba la dep iohpdiang ruh iaka khusnam Padma Vibhushan. Hynrei shadien kine ki jingioh nam, u la dei, na ka bynta jong ngi, u kpa lane u Baba, uba long u briew bym ju klet ba u wan naei bad hikai iangi ba ka jinglong nongialam ka mut ka jingshakri.
Kumban shu pyn kynmaw, mynta ka sngi ruh ka dei ka Foundation Day jong ka party NPP, kaba dei ka party kaba u la tei da la ki jong ki kti. Kum u dkhot jong ka Parliament na Meghalaya mynta, nga kit ia ka jingthmu jong u da ka burom kaba khraw. Baba, your journey continues to inspire us every single day. Ngim pat klet ia phi bad ngin dang bteng ban trei ban pynsngewbha ia phi.
