Shillong, Nailur 10: Ka Directorate of Food, Civil Supplies and Consumer Affairs, sorkar Meghalaya, kala pynlong da ka prokram halor ka jingpyn treikam iaka rukom buh dor ha Secretariat, Shillong, ha ka sngi ba ar, da kaba thmu ban pynskhem iaka jingbuh dor, peitngor, on Tuesday, aimed at strengthening price surveillance, pynthikna iaka iew ka hat kaba khuid, ban khanglad iaka jingkynshew pyrthei bad ban iada iaka bit ka biang ki nongthied nongpet.
Ha kane ka prokram, la iadon bynta lang kiwei pat ki heh sorkar ba kylleng ka jylla, kynthup iaki nongmihkhmat na ki distrik bapher bapher bad ki civil sub-divisions, khnang ba kin batai bad pynbeit iaki rukom jurip bad ai iaki kaiphod halor ka dor kiba don lypa bad ban sam iaki jingeh kiba mih ha ka por ba trei ha madan.
Ha katei ka prokram, u Myntri ba dei peit iaka Food, Civil Supplies and Consumer Affairs, u bah Methodius Dkhar, u la ban jur shaphang ka sorkar bad kan shimkhia ha kaban peit bniah bha iaki dor jong ki mar ki mata kiba donkam bad iada iaki paidbah nongthied nongpet, khamtam ki longiing ba kham duna bad ka ioh ka kot ki dei ki kynhun kiba shah ktah palat haba kynsan kiew dor ki marbam mardih khlem nongrim lane khlem don ba mana.
U la ong ba ka jingpeit bniah mar mar iaka jingkiew dor kynsan kynsan ki mar bam mar dih ka long ban iada iaki nongthied nongpet ba kin nym don jingeh na kane ka jingkiew dor ki mar ki mata kiba ki pyndonkam.
U bah Methodius u la ong ba ka long kaba donkam ban ai iaka kaiphod ha ka por kaba biang, da kaba bniah thik pa thik da ka tnad ba kan shim jingkhein iaki 41 tylli ki tiar ba donkam na ki distrik bapher bapher jong ka jylla.
U la kyntu iaka kynhun peitngor iaki dor bad iaki heh ba dei peit kiba donkti, ba kin pyndep ha ka por kiba biang iaki kaiphod. U la pynpaw ba ka jingtip ba shisha ka long kaba donkam tam na ka bynta ka sorkar, khnang ba kan lah ban bud dien iaka rukom kylla dor ki mar bad ban shim iaka sienjam ba iadei ha kano kano ka por ba donkam.
Da kaba pdiang iaki jingeh kiba ki nongtrei ba trei sha ki jaka ba jngai ki shem, khamtam kito kiba iadei bad ka jingiakren bad kiwei kiwei, u Dkhar u la pynshlur iaki nongiashim bynta ba kin sam bad kren iaki jingeh jong ki bad u la ong ba kum kine ki jingiakren halor ki jingshem jingeh kan iarap ha kaban pynsuk iaka jingtreikam ha ka rukom buh dor iaki mar ki mata.
U la bynrap da kaba ong ba ka jingdon lang ki nongtrei ka Ministry of Consumer Affairs, Food and Public Distribution, sorkar India, ka pynioh iaka lad na ka bynta ki nongtrei ka jylla bad kin pynpaw iaki jingeh jong ki bad ban ioh jingpynshai halor kine ki mat ba kongsan kiba iadei bad ka jingpyntreikam iaka rukom buh dor.
Katba ha katei ka prokram, ka Assistant Director, kaba dei ka Ministry jong ka Consumer Affairs, Food and Public Distribution, sorkar India, ka Radhika Goyal bad u Senior Statistical Officer, Ministry ka Consumer Affairs, Food and Public Distribution, sorkar India, u Sandeep Kumar, kila pyni iaka rukom buh dor iaki mar ki mata, ka rukom ai iaki kaiphod bad kiwei kiwei.
Ki nongtrei sorkar na ki distrik bad ki civil sub-division bapher bapher kila iasnohkti lang ha kawei ka jingiasyllok ha kaba kila wad jingpynshai halor kiba bun ki jingeh bad ki jingtynjuh kiba ki iakynduh haba ki khmih bha bad pyntip iaka dor ki mar dor ha ki jaka lajong lajong.
La iadon bynta ha katei ka prokram da u Commissioner and Secretary, Food, Civil Supplies and Consumer Affairs, u Pravin Bakshi, IAS; ka kong I Mawlong Director, Food, Civil Supplies and Consumer Affairs; ki nongtrei jong ka tnad bad kiwei kiwei ki nongiashim bynta.
