Shillong, Nailur, 12: Ki pulit kila kem sa uwei u dkhot ka Khasi Students’ Union, u samla Banjoplang Dkhar ha ka miet jong ka sngi Thohdieng najan NEIGRIHMS halor ka jingshah kynnoh bad ka jingjia ha ka 19/Nailar/2026 ka sngi kaba ka seng ka pynlong iaka Bike Rally ha nongbah Shillong.
Ki pulit haduh mynta kila kem hynriew ngut ki nongialam ka KSU, ha ka 19/Nailar/2026 la kem ia lai ngut ki nongialam ba hakhmat eh kita u President, Vice President bad ia u General Secretary bad hadien katei, la kem sa ar ngut bad mynta uwei baroh kiba shah kem la long hynriew ngut.
Hadien ka jingshah kem jong u dkhot ka KSU ki briew ki bym lah ban ithuh kila leit ban kawang petrol bom iaka Laban Police Station kane ka jingjia ka long hapdeng 10 – 11 baje mynmiet kine ki petrol bom la kawang kila hap ha phyllaw jong katei ka police station.
Kumban pynkynmaw ba ha ka 19/Nailar/2026, ha ka sngi kaba ka KSU ka pynlong iaka jingiaid paidbah da ki bike ha kane ka nongbah Shillong la don ki briew kiba tap durkhmat kila thaw jingkulmar da kaba bom bad tied iaki briew ba iaid lynti bad kumjuh iaki kali, na ka liang ka seng, kala kynnoh ba la leh da ki riew shim kabu.
