Shillong, Nailur 23: U President ka party United Democratic Party u bah Metbah Lyngdoh u la ong namar ba ki MLA kiba kila ai jingthoh ba kin ai jubab sha ka party mynta ka sngi shuwa ka por 12.00 baje hynrei kim shym la poi ha ka por kaba la buh kumta ka party kala shim ia ka rai ban beh seng shipor haduh ban da pynmih da kaweipat ka hukum.
Haba kren ha ki lat pathai khubor mynta ka sngi ka ophis jong ka party u bah Metbah u la ong ba haba ia dei bad ka sain pyrthei hapoh ka party UDP, kum ka party kila ai ia ka shithi ban pan jingpynshai sha ki lai ngut ki MLA ka UDP, ar ngut kiba la pynlong ia ki jing ialand bad u wei u ba kren ha dien ka jingialang ka CEC jong ka party.
Ha dien ba kila ai ia ka shithi ban pan jingpynshai kaba kila buh ruh ia ka por ba kin wan ha khmat jong ka State Parliamentary Board katkum ka riti pyniaid kam jong ka party ba pynshai ia kiei ki kam kaba ki leh kiba long pyrshah ia ka party.
Ha shithi kila ai por ba kin wan pynsngew da lade ne da ka jingthoh shuwa ka 12.00 baje mynta ka sngi 23/Nailur/2026 hynrei ha duh ba la sdang ia ka jingialang ka State Parliamentary Board hynrei kim shym don kiba wan na ki lai ngut ban ai kano kano ka jingthoh ne wan da lade ban pynsngew ne pynshai ia kito ki jinglap jingshem kum ka party.
Da kawei ka sur ka State Parliamentary Board kala shim ia ka rai ban beh seng shipor haduh ban da la pynmih da kiwei pat ki jingpynbna na ka liang jong ka party bad ia kane ka rai la phah sha kito ki MLA ba kin tip ia karai jong ka party.
