Shillong, Nailur 26: Mynta ka sngi ka party Hills State People’s Democratic Party (HSPDP) bad kiba ha iing ha sem kila pynlong ia ka jingleh burom ban kynmaw ia ka lyngkhuh sngi iap kaba khatwei ka jingkhlad noh u seng ka party u bah Hoping Stone Lyngdoh bam kwai ha dwar ublei da kaba buh syntiew ha lum jingtep ha Nonglait.
Katba ka Youth Wing kala pynlong ia ka jingiakren ha kren halor u ne u rangbah ka Shillong Club kaba la tip kum ka “Biographical Symposium” ha Shillong Club ha kaba u bah Methodious Dkhar myntri ka sorkar jylla ba dei u MLA jong ka party u la ong u kong san.
Ha ka jingkren u myntri la ong ba dei ka jingkut jingmut u bah Hoping ba ym dei ban pdiang Sub State dei ban ioh peit da ka jylla ba pura, la da ymdei na u ne u rangbah ka Meghalaya kan dang sah kum ka Autonomous State ha ka jylla Assam.
Ka Dr.Jayanti Shadap nonghikai Political Science ha St. Edmund College ha ka jingkren kala ong ba u bah Hoping u ieng ha ka nongrim ba dei ban ioh ia ka jylla Pura ym ia ka Autonomous State kaba ka All Party Hill Leaders Conference kala pdiang kala pdiang ha ka jingialang kaba la lang ha Tura.
Dei ha kane ka jingialang kaba la long ha Tura ha ka 01/Naitung/2026 ba ki nongialam ka APHLC ki pdiang ia ka Autonomous State ba tyrwa ka sorkar pdeng bad u bah Hoping u Pyrshah dei ha katei ka sngi ki beh noh ia u na ka party APHLC bad dei hangne ba u sa seng ia ka party Hill State People Democratic Party.
